男追女既基本技巧 精選 推薦

呢次倒返轉，講下男仔點可以成功追女仔啦。其實成日啲人話男仔追女仔係隔重山，我就話依家啲女仔不知幾易追，你係咁意彈結他、唱下歌就冧死女啦。


保持形象

有唔少男仔封左心儀既對象做女神，女神一叫你做咩都會即刻放低手頭上既野，衝去女神度幫佢手博好感。其實你地好聽啲就係yes man，唔好聽呢就係觀音兵....你地隨傳隨到、女神要咩比咩，事實上女神唔單止唔會對你地有好感，仲會有幾多洗幾多，隨時洗曬你啲錢後都係得個桔！所以正正常常咁好似普通朋友做起，適當時候爭取表現就得架喇。

身體整潔

其實一個人既外表真係唔重要，不過通常喺見面嗰陣..未睇清楚個樣就會聞到你好似有點味道，唔係指男人味，而係汗味呀！一般女仔都唔介意樣貌，正常就可以，但係建議你地一定要定期清理毛髮。多用去頭皮屑既洗頭水洗頭同止汗劑，否則夏天都幾反感架，覺得你好似冇沖乾淨涼咁。
培養才華

認真做野既男人真係好吸引(唔好需要問點解，只要做！)，假設你個樣正正常常，喺女仔面前顯示領導才能就好剎食。不過切忌太自大，否則再勁都只會黑人憎。

加油呀男人們
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________