男人比女人一個家,就係嫁 文字

紙情 兩性專欄於 04/03/2017 發表 收藏文章
近排有個女人非常出位,佢開口埋口都講「有樓先會有高潮」。差唔多每句言論都成為網上熱話,但其實,女人係咪真係需要2000呎呢?


冇安全感或者屋企唔完整既女人好注重承諾,佢地會點樣睇拍左好耐拖既感情呢?如果一對情侶已經拍左拖10年,好穩定,但男方一直唔嗲唔吊,冇提到結婚既事,又冇提到要一個家,咁樣女方可能就會開始諗:「究竟我係咪應該花青春同佢喺埋一齊?一直咁樣冇名份、冇結果,有日佢嫌我老左唔再有魅力 咁我點算?」

佢地唔係需要幾大面積既屋企,其實佢地只係想你親口同佢地講會娶佢。假如你真係有心想同佢過下半世,就唔好講「會結架喇」、「實會娶你」呢啲好虛無既說話,不如直頭定個日子做你地之間既目標仲實際吧。話說男朋友琴晚同我定左個日子(放閃),當我聽到嗰番話之後個心真係定左好多,我啲眼淚即刻唔停咁流出黎,因為由細到大得呢個男人會咁樣承諾.....

之不過承諾完之後唔係就咁就算存喎,要一齊set啲目標比大家做,畢竟呢件大事關乎到兩個人,當然要你地兩個共同實行啦!!例如每個月儲幾多錢、傾下工作大計等等,將對方融入自己生活裡面,咁樣先係建立家既方法。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/
_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→