本年度最催淚《跨越8年的新娘》,女朋友失憶唔記得自己?

紙情 兩性專欄 於 05/05/2018 發表 收藏文章
我最驚唔係同男朋友鬧交,佢唔要我,而係佢失左憶...我企喺佢面前,唔知我係邊個。以前做過既所有野好似粉筆咁喺佢腦海中擦走,我唔再係嗰個成日做錯野、好on9既女朋友,而係日日係咁喊,希望佢記得自己既癲婆。當我地既世界只係得返我一個,咁我地仲應唔應該繼續喺埋一齊?


我既擔心唔係幻想,日本就有真人真事,《跨越8年的新娘》係一部紀實小說改編既電影。本身麻衣同尚志係甜蜜恩愛既情侶,就喺婚禮舉行之前3個月傳黎惡耗,麻衣突然患上罕見疾病「抗NMDA受體腦炎」陷入昏迷。尚志唔放棄喺醫院日日陪住佢、照顧佢,雖然麻衣終於喺奇跡同治療下甦醒,不過竟然唔知尚志係邊個,對佢好驚。

《跨越8年的新娘》喺今個月10號就會上映,你一定會入場睇!雖然全程有啲長同埋拖戲,不過我已經入場喊濕左兩包紙巾,所以都值得睇睇既。最後入場之前問你地一個問題:如果另一半突然失憶你會點做?我會用之前追佢既方法重新令佢愛上我,同佢重新開始,建立新既回憶,等佢有日奇跡記返起我地之前相愛既時光先算。

中文版預告片:


有個網友同我地分享類似既真人真事,非常感動:

當時系甘嘅,病發時1小時大家一齊係屋企睇sammi演唱會,佢冇出聲、冇表情、只系望住我。諗住系咪5好睇悶得制呀,然後瞓喺我大比度一邊睇一邊遼佢講野,依然冇反應,突然間佢就大叫大喊、完全失控!當時系凌晨時份,全家起哂身問發生咩事……情況維持左半個中左右,5得喇……要call白車……到左醫院,雙方家人都在場,心諗女朋友爸爸媽媽黎好轉,点知佢一邊咸一路攬到我好實,問佢地系邊個!5好比佢地過黎……吓……心諗甘大鑊,快d叫醫生幫手啦……入到女內科,醫生分開左我地,5g系咪刺激到佢個腦,佢以為我吾要佢、推比醫生、諗5到跳制到連我都5g糸邊個,當時年少無知,只識捉實佢隻手一齊咸……不斷叫醫生幫忙,之後要打左支鎮靜針先冷静落黎……結果留院左2個月左右(期間依然系失憶狀態,甚至去廁所、冲凉都需用照顧)其實女內科糸5比男仕進入,但醫生批准我入去照顧佢。每晚都瞓5倒、只想佢快d好,整左鍾意食嘅壽司、生果、檸檬茶比佢,等佢可以開心d,盡快記番起我!後來可以出院,但醫生話要長期服藥、覆診……每日一齊重温去過嘅公園、海旁、戲院……佢好貪靚,喜歡我陪伴佢化妝整頭。佢好為食,鍾意我煮嘅食物。漸漸好轉起來……半年後佢終於記得番7成事情……結局有機會再續……
《繼續吹》丁可欣Yanki - 心理測驗?So What!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→