明明中意又怕失去,最後因為自卑感破壞感情 文字

紙情 兩性專欄於 04/06/2017 發表 收藏文章
我成日問自己:點解你咁好,咁完美?人地眼中佢係一個斯文有學識既男仔,好多女神都愛上佢既完美,搏曬命咁討好佢,但偏偏驗睇中我呢個毫不起眼既細路女。為左我犧牲佢放工可以休息既時間;為左我,佢同我一齊報名學日文;為左我,佢又唔怕比朋友笑佢揀左個爛橙。

我成日臨訓之前就會喺度諗,佢同我既世界根本唔一樣。我仲喺度追緊日星,返學永遠日日遲到,佢已經同屋企人去應酬 傾生意。所以我總係覺得我地之間既距離好遠、好遠,我點都追唔上佢既成就。佢身邊既朋友唔係劍橋就係混血兒,對比起我一邊讀書一邊做Sales,我完全比唔上佢地!我比唔上佢既女仔朋友!

「仰慕而起 這種膚淺的妒忌 拼命與誰比 我不完美」

佢對我好好,不過同佢一齊實在太辛苦。我寧願放手,比佢搵一個更加合襯既另一半。


仲記得嗰陣當我亂諗就會打千字文比佢,一路打,一路好怕佢覺得我好煩。我控制唔到自己同人地比較,所以唯有將想講既野都講曬出黎。冇錯呀,佢好好,都會安慰我,可惜連我自己都受唔住自己既自卑感。

「我認我為你被不安吃掉 自信心 努力咬著你想製造存在感」

唔安心換黎我不停check佢wtsapp,想佢每分每秒話比我聽做緊乜野,佢一失左蹤我又控制唔到自己亂諗。我知,我明知佢返工攰到訓著左先覆唔到,但係我衰到唔理佢解釋,係咁鬧佢,唔信任佢,呢埋喺自己既悲觀世界裡面唔肯出黎.....最後我睇得出佢對住我嗰份無力感,終於令到呢份曾經深愛過既感情枯萎。

依家反省返就係因為我過份緊張先搞到最愛既人都怕左我,人大左先至有返啲自信心,明白與其不安不如努力做好啲。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→