戀愛的四個必經階段

紙情 兩性專欄 於 17/08/2016 發表 收藏文章
篇文章好值得大家花時間睇一睇,有位心理學家曾經寫過:一段真愛必定要經歷四個階段,共存、反依賴 懷疑共生,每個階段所需既時間唔一定,因人而異。


《第一個階段:共存》

代表一開始熱戀既時期,任何時候都想兩個人痴埋一齊。

《第二個階段:反依賴》

其中一方想要多啲時間做自己既事,另外一方就覺得自己被冷落同遺忘,開始會因為小事而數落同計較。

《第三個階段:懷疑》

第二階段既延伸,可能兩邊都要求更多獨立自主既時間,但同時覺得對方冇以前咁關心同愛自己了。不過好多人係第二或者第三個階段就選擇分開,其實好多野只要溝通好就會冇事,但往往任性同諗太多係難以避免。

《第四個階段:共生》

你地已經變成最親密既人,互相成長同扶持 一同開創屬於你地既人生,大家就好似親人一樣。


你地有冇發現原本你地二人冇乜相同之處,外表唔同、性格都南轅北轍,但係時間耐左、相處多左,你會驚訝:你既眼睛竟然有少少似佢既眼睛!佢既微笑都好似你既微笑,你地既步伐開始愈來愈相似,講野既語氣變得相似,甚至連口頭蟬都一模一樣......你總能夠知道佢下一句想講啲咩,原來我地不知不覺已經成為自己所愛既對方。

你唔知由幾時開始改變佢皺眉既壞習慣,呢個改變可能佢自己都未察覺到,而佢亦都令你做事唔再馬馬虎虎。你差啲唔認得自己,因為喺呢段時間裡面,你慢慢變成對方理想中既對象....呢種改變或者根本唔係刻意形成既,當兩個人一齊既時間愈耐,你地既氣質會漸漸相同,可能有日你會發現:你地真係好有默契!

當你深深愛一個人,你會變失去原來既自己,但係你唔會覺得被強迫,所有事都來得好自然。大概你失去既時候都賺左更多:佢既微笑同快樂。
_________________________________________________________________

如果中意我既文可以去我Instagram :lovestoryhk

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→