愛情就好似食物咁 文字

紙情 兩性專欄於 23/06/2017 發表 收藏文章
食飯嗰陣諗諗下其實同愛情又有啲相似,好多人年輕既時候都中意刺激、冒險,覺得有本錢可以玩到夠。佢地覺得一個滿足唔到自己,之後就會去出軌;或者大家認識唔係好耐就一齊,冇幾耐又因為成日鬧交而分開。其實就好似中意食濃味雞煲咁,裡面既豐富香料同多重口味先啱自己。

然而好多人年紀愈來愈大就愈想安穩,渴望追尋食物既原來味道。專一長久先係自己中意既愛情,就好似我琴晚食既既椰子雞煲咁,雖然同一樣都係雞煲,不過呢種只係用清甜味帶出雞鮮味,可能先係自己真正想要既感覺。


我既人生唔係經歷左好耐,而我選擇既係後者,有啲人會問:「你唔覺得悶咩?」。傻架咩?真正愛一個人係唔會悶架,因為我會不停喺佢身上發掘新鮮感,儘管食物材料一樣,但係調味方式可以好多變化,例如加入鹽/胡椒/蒜已經有唔同味道。唔知依家既你中意食邊種呢?
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→