愛情信箱86:同契哥好似有啲野..... 文字

紙情 兩性專欄於 24/04/2017 發表 收藏文章
問題:

你好啊 其實我好耐之前認左個男仔做丫哥 當時大家彼此都有自己既男女朋友 大家都係專一既乖寶寶冇諗過出軌個啲只係當對方係一個親既朋友得閒傾兩句
可惜上年我就同我男朋友分左手 而過左幾個月佢都同佢女朋友分左手 大家回復單身
本身都一直諗住繼續當佢係我哥冇諗過戀愛依啲野
只係依排大家既關係都有啲曖昧咁 陪我溫書食飯 又藉啲E有身體接觸 我feel到佢係對我有啲野但就繼續扮咋唔知 但依然係用兄妹相稱
我都ok佢 做男女朋友都ok 但就依家既關係唔知點好 驚最後自己誤會左連frd都冇得做 可唔可以比啲意見我點樣了解佢心意同埋令我地關係有進一步發展 唔該:)
____________________________________________________________________________________

回覆:

咁又唔會冇friend做既,你可以keep住唔表白,但係喺身體上就成日唔覺意觸碰到佢,令你地關係好啲先。如果佢再有進一步行動你就唔好避(當然除左搞野),錫同攬都照去馬,之後情到濃時就直接問佢:「你中意我呀?」你想大家可以行得快啲,應該約多啲佢出黎,專揀海邊、海濱公園呢啲地方。跟住你試下痴埋少少,如果佢冇避開或者尷尷尬尬咁就直接訓喺佢膊頭度。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→