愛情信箱81:佢話愛我,但係又話唔想一齊 文字

紙情 兩性專欄於 31/03/2017 發表 收藏文章
問題:

Hi 想問你地啲意見。。。
我同一個男仔本來係朋友,慢慢地變成左曖昧關係,大家whatsapp講既野都好曖昧,一開始我都覺得我冇可能會鍾意佢,想同佢有返啲距離,因為當時靜係覺得同佢做朋友就夠。慢慢地原來真係鍾意左佢,其實都係感覺到佢都好似係鍾意我,佢係好關心我,會送我返屋企,我有心事會開解我。但其實呢啲都係單獨先有,自從曖昧左之後,係一大班朋友面前,佢會疏遠左我,少同我講野,但係以前普通朋友關係果陣係會玩得好埋。

而我開始比啲signal佢,想佢正視我地關係,佢都好似感覺到,就話佢自己配我唔起,叫我唔好鍾意佢,佢當我係細妹咋。最後我都以笑帶過,隔左陣佢又變返好關心我,又曖昧返。(而我同佢係佢主動先,佢會約我出街會主動對我好同埋搵我)

到前一排,佢突然好認真咁問我,係咪真係鍾意左佢,我話係,但佢比返既回應係比時間佢諗下同埋講左句我愛你。我就問返佢係咪都鍾意我,佢話過一排先講。我完全唔知佢想點佢點諗,之後再同佢講左好多野,攤曬牌出黎講,佢都係講佢要諗下。佢有講小小鍾意掛,同埋佢話佢分唔清佢係咪鍾意左我,叫我等佢同埋繼續做朋友先,仲叫我努力打動佢,我話好。之後再傾傾下又叫我唔好等佢,佢又話佢襯我唔起之類,同埋好多野要顧慮,例如話我同佢一齊我會唔開心。

我比佢搞到好煩,完全唔知佢係點諗,佢一方面好關心我,成日都話想陪我。但係又好似想推返開我咁,我自己係認為鍾意就鍾意啦,點解仲要諗咁多煩咁多,佢到底係想拖住我定佢唔想同我一齊而又唔知點拒絕我,先咁講。。。?我應該同佢繼續曖昧落去,定我自己抽身,因為我發覺同佢講我鍾意佢之後,我好似諗通左好多,對佢都冇再咁擺上心,反而有啲想避開佢,唔想見到佢咁。
希望你地比啲意見我🙏🏻唔該曬
____________________________________________________________________________________

回覆:

我男朋友初初都係咁架,佢話大家都係做朋友好啲,話佢唔會比到幸福我,但係依家咪又係一齊左好耐~所以我成為覺得呢啲說話都係bullshit。其實講到底都係冇嗰個氣氛姐,如果你搵日夜晚,同佢去好靜既海旁睇星星,可能你就會慢慢同佢kiss架喇。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→