愛情信箱72:女朋友公主病嚴重,我可以點算? 文字

紙情 兩性專欄於 24/02/2017 發表 收藏文章
問題:

我地番緊中四 同班 宜家都差唔多三個月問題黎了。我發現佢公主病越來越嚴重 我講佢一句 可以黑我面勁耐。佢同我個男仔FD有玩得埋(可能係我小氣 .我啲FD都話我個頭綠綠地。就今日我一提起個男仔 佢就話我好煩 點溝通落去吖 講多兩講 咪嘈咯。佢話我覺得我地成日嘈好辛苦 不如就咁算。我腦中一片空白 咪話
「好好好 你唔洗改 以後你點發脾氣我都忍」跟住先冇事....

我真係覺得好辛苦 不過同佢經歷過風風雨雨 繼續做「忍」者?

仲有一個難題:
我媽日日都會叫我番去食 而佢屋企得佢一個人食 成鳩日要脅我叫我陪佢食 我一日兩日都OK。日日wor 禮拜一至五 次次話 好咯你番去食咯 我自己一個食咯。你咁講吖 我番去仲食得安心?一定有排嬲。咪陪佢食 推左我媽咪啲愛心雞湯

看多左啲人話:愛係會改變一個人 愛一個人係會為佢而改變 我感覺唔到sor 我有點質疑愛情了。wts你話唔用la IG你鍾意狂重複播放 你真係有認真覆? 我見唔到.次次同你出去食 你都相機食先 我隻手仲要行開少少。我好辛苦 Can you please help me?

____________________________________________________________________________________

回覆:

首先拆開你幾條問題黎答:

1. 黑面呢.......我覺得脾氣呢啲要慢慢教,你唔可以次次咁易就應佢,下次試下唔好嘈,冷戰唔理佢,等佢主動搵返你為止 (當然件事係佢錯先可以咁做迫佢道歉啦)。你可能話,佢真係唔理的講分手咁點?咁你就唔使浪費時間同佢一齊啦,既然佢咁蠻不講理的話。

2. 同男仔朋友玩得埋.....我覺得係你小器左既,咁朋友最中意就笑9人架啦,話你綠帽你就比人影響到?會唔會對女朋友太冇信心?

3. 陪佢食飯......我明佢既感受,自己一個食飯的確係好寂寞既,唉你有家庭溫暖真係唔會明。所以你盡量抽時間陪佢啦,一係叫佢其他時間搵朋友食。要同佢解釋你都有屋企人要陪,問佢想唔想未來奶奶對佢印象變差?


留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→