愛情信箱70:同男朋友分左手,但見面仍有親密行為代表咩?

紙情 兩性專欄 於 21/02/2017 發表 收藏文章
問題:

你好!有啲感情方面嘅問題想請教你。

我同我男朋友一齊咗8個月嘅時候,他提出咗分手,原因係佢話我地性格不合仲有佢屋企人唔中意我。我知道佢屋企人點解唔中意我,但已經太遲,無法補救。但因為我地唔捨得對方,我們就拖拖拉拉地又過咗8個月,期間都係好似情侶咁。

然而係上個月佢同我講佢中意咗第二個,佢呀媽知道後講咗一句話:咁就好喇,你終於想通喇。令我好難過。我好唔捨得佢,仲係想同佢一齊返,我地之後有見三次面,亦有親密嘅行為。佢話唔捨得我,但同時都中意嗰個女仔。我向佢表明咗自己立場,表明會堅持、唔會放棄佢,但佢就叫我唔好咁,因為唔會得到回應同埋冇意思。請問我應該點做好?
____________________________________________________________________________________

回覆:

我覺得佢好想一腳踏兩船,因為你同佢嗰8個月其實真係分左手,只係佢想同你繼續有親密接觸又唔捨得先仲一齊...講真佢話明性格不合,仲拖拉姐係唔想單身啦。同埋依家你都話,之後見三次面有親密行為,同時佢又中意第二個女仔喎,咁等於乜野?等於佢想搞你,多過同返你拍拖。

留言


請按此登錄後留言。未成為會員? 立即註冊
    快捷鍵:←
    快捷鍵:→