愛情信箱61:男朋友好愛我,但我未玩夠 文字

紙情 兩性專欄於 17/01/2017 發表 收藏文章
問題:

好煩惱。。。唔知係咪太耐無拍拖太鍾意玩而家拍拖覺得好辛苦。

遇到宜家呢個男朋友之前我單身左三年,依家同男朋友一齊左三個月不過有一半時間都係long d ,我係外國讀書,所以有時會long d,而家就係啦。

一開頭同男朋友一齊都覺得終於搵到一個識愛我嘅人,我都幾鍾意佢,但係最近我發現自己都仲係好鍾意玩,成日嫌佢煩同幼稚話晒佢都係細過我。早幾日聖誕我係香港同D friend日日飲通宵,雖然都有WhatsApp下佢,但係好少。然後佢又唔開心,成日好似個女人咁煩住我又問我返屋企未,有邊個,唔好飲醉,成日去玩唔理我。。。但係其實我係屋企一有時間就會同佢Skype。

所以呢排關係好差,我亦都有成日諗佢係咪一個適合我嘅人,我係咪真係咁愛佢定係只係因為係外國好寂寞所以有人鍾意就一齊。其實有分手嘅衝動,每次我一燥底佢就會講晒sorry好驚咁,但係其實衰嗰個係我。
其實有一開頭我就覺得佢唔夠自信,唔係我鍾意個type,但係其他方面都冇乜問題,所以最後都一齊左。其實應該分手定應該繼續一齊落去我都唔清楚。自問唔係真係好愛佢,但係我唔想又好似三年前咁好似玩人感情,我有鍾意只係唔夠鍾意。

咁多年無拍拖突然拍返覺得好煩成日都要同人交代要顧多個人嘅感受,可能因為我係雙子座貪玩我真係唔知應該點做。
____________________________________________________________________________________

回覆:

我覺得可能係你地一齊唔耐姐,不過如果你係接受唔到拍拖既話,係應該早日分手,否則愈拖愈hurt。同埋我想問兩條問題:一,你中意佢啲咩?係咪真心一樣野都諗唔到?二,你同佢一齊開心多啲定唔開心多?如果唔開心多咁係咪有需要分呢?佢其實冇錯,或者你都冇錯,不如你試下習慣容納多個人既生活。假如你真心試過好多次都唔得,咁應該係唔中意佢了。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→