愛情信箱50:心儀男仔追緊女神,唔知應唔應該同佢表白 文字

紙情 兩性專欄於 08/12/2016 發表 收藏文章
問題:

你好 有d野關於愛情問題。我好似真係鐘意左一個男仔 但佢有鐘意既女仔仲追緊佢 。我同呢個男仔同學關係 呢輪成日咁啱一齊翻學放學 但唔係得我地2個既 因為咁樣就熟左。我同佢唔係話好熟 佢間唔中都會同我傾佢既女神既事 心梗係唔舒服但扮到認真聽。近排佢話想同女神表白 但無膽仲未表白。我已經做得無咁明顯 係有時專登較準時間同佢同車 有時特登r話題講 一齊傾。

有時我會覺得佢feel 我對佢有野咁。我現家唔知點好 我究竟同佢表白好?我恐怕佢同個個女仔真係一齊左之後我真係接受唔到 會唔知點面對佢好☹️☹️
我好confused
Thanks
____________________________________________________________________________________

回覆:

其實佢依家個心一定係向住女神架喇,所以你插手係有啲難道。你睇定啲啦,佢表白都唔係一定成功既。如果佢唔成功,好唔開心咁樣,你就可以爭取多啲機會安慰佢,到時多左機會見添。如果佢真係得左,咁亦姐係個女仔本身都對佢有好感,就算依家比你做任何野去吸引個男仔注意,個男仔最後都會同到個女仔一齊。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→