愛情信箱24:佢叫我煮飯按摩去旅行,但他一直未肯承認我地既愛情 文字

紙情 兩性專欄於 29/09/2016 發表 收藏文章
問題:

Hello,我有一啲既感情煩惱,好想問下你意見。

咁就有一個男仔啦,我f4個時就已經知道佢既存在,當時我覺得佢係好靚仔,點都會有少小好感。個陣我根本唔會有啲咩既期望,因為佢當時係有女朋友,但我背後都會留意佢。

到7月中個時我因為一啲問題我就direct問佢,點知就一直傾到依家,係不足一個月裹我地腥咗三百幾張相。 佢去日本又會同我分享,佢又等埋我訓,仲約我去睇戲,又會格幾分鐘會係我未覆佢前搵我。有一次佢仲係日本既時候,佢話錦我下年約你黎好無。之後仲有好多......例如問我一齊買同一個袋;年年一齊去旅行;又叫我溫書攰既時候就諗下去旅行既野,話想同我去旅行;叫我去佢屋做佢工人,幫佢執屋煮飯按摩個啲......佢話佢講既野都係認真。

我地撘火車同行路佢都怕我會撞到,有時會捉住我、上火車時又捉住我,我地個時捉住大家手指。其實個日真係好舒服,真係好似一齊咗咁。但其實未去街前,佢無啦啦成日藍tick我,我知佢多野做又要學野又要返工,但其實都可以係食飯時間返到屋企個時覆下都得嫁嘛,感覺好奇怪唔知佢做咩無啦啦咁。

其實佢都有成一年無拍拖,ex同佢拍咗就3年,但個女仔有咗第個所以分手,我諗佢都未必放低得曬。我同fd有討論過佢依家咁可能佢真係忙啦,一係可能因為知自己可能對我有野,但怕自己有錯覺,唔想當咗我係代替品,辜負咗我對佢既好,所以寧願停一排俾自己諗清楚。佢係一個好專一既男仔黎,我fd都話佢對我有野。但你點睇,同埋我可以做啲咩去挽救返?因為我真係好鐘意佢。
_______________________________________________________________________________________

回覆:

我覺得點都要趁有氣氛嗰陣問清楚佢,睇下佢覺得你點,因為佢好明顯係對你有意思,但唔想講拍拖既原因可能有兩個:一係享受呢種曖昧感覺,但唔想咁快又拍拖住;二係忘記唔到上一個;三係佢未知你適唔適合佢。



留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→