愛情信箱16:女朋友多次呃我,仲上左前度屋企.... 文字

紙情 兩性專欄於 24/08/2016 發表 收藏文章
問題:

我同我女朋友係咁岩係上網識既,一個月到大家都有感覺,我地一齊左。我知道佢既過去,同過佢一齊既人都係比較老既,得我係年輕,我29而佢30,係第一日一齊冇幾耐佢就問:「係唔係因為屋企有事,有事做咩唔搵我幫」等等....咁佢就毫無保留咁幫左我。

跟住我知佢就黎生日,但係佢冇講過比我聽佢係幾多號生日,亦都從來冇講自己鐘意d咩,咁我就偷睇佢手機睇下佢鐘意d咩啦,點知睇到佢同前度既聯絡但非一般既聯絡!!個個前度係一個人夫,佢同人夫對話係好曖昧,之後佢發現左我睇佢手機,就係咁我地第一次最大鑊鬧交......佢話我唔尊重佢,我就話點解佢要咁做!不過之後個幾日我好想見佢,想氹返佢返黎,其後仲整左本相簿比佢。點知係個日既早上我見到佢 (咩相你懂的),個d相佢都有sd過比我,之後個幾個月都係吵吵鬧鬧,好快冇咩事。

直到4月中到我發覺唔妥,佢成日話我太過緊佢,但我成日都搵佢唔到,佢去澳門話同屋企人去,返黎之後佢有同我話去澳門d野,不過係好少部分,但同佢原本之前講既唔同,我冇出聲。去到5月31號佢冇啦啦話分手,我就主動去留佢,點知我忍唔住將佢澳門既事講出黎,鬧佢做咩呃我,做咩話係同屋企人去,明明就同朋友去......一個星期後到我頂唔順搵返佢,點知佢話我屈佢,途中比我發現原來有人追佢、一齊過,之後佢唔開心個時有2日我搵佢唔到,原來佢就係去左搵前度。

個晚就呢樣野再爆多左次,依家我搵佢,唔係話唔得閒,就係咁同我講分左手丫等等,就話我做咩要做左佢反感既野,話我迫佢,話佢係我面前冇曬私隱點解少少私人空間都唔比佢,其實我都係想同返佢一齊姐。

______________________________________________________________________________________

回覆:

我覺得佢誠信已經破產啦,明眼人都睇得出佢一腳踏幾船!乜都唔同你講,又成為搵唔到佢,仲要比你發現佢同前度有偷偷地聯絡....綠帽由頭戴到落腳趾喇wo!醒下啦!佢當你係用黎攝時間咋,真心中意你又點會成日講大話姐。唉話你on_怕你嬲!!不過你真係唔好再中個頭埋去,呢啲女見一次就走啦,仲傷唔夠?如果你想hurt下,我寧願你唔好拍拖住。

留言

會員
我要評論
請按此登錄後留言。未成為會員? 立即註冊
  • Chow Musa
    Chow Musa 於 25/08/2016 評論 NO. 1

    做男人做到咁cheap 抵俾人玩

快捷鍵:←
快捷鍵:→