愛情信箱14:唔想冇左個朋友,係咪應該同佢一齊? 文字

紙情 兩性專欄於 22/08/2016 發表 收藏文章
問題:

最近我同左個人表白係我老朋友,暗戀左我好耐。同佢表白係因為唔想失呢個好朋友。佢都有問我諗清楚未。其實對佢,我早已經分唔清係愛情定友情。依家我地都冇再傾過呢件事。我想問咁依家係點?確唔確定關係好?

_____________________________________________________________________________________

回覆:

我想問你係咪真心中意佢?要知道自己係咪中意佢其實唔難,你可以睇睇自己有冇以下既特徵:

1.成日望住對方,留意佢一舉一動
你會冇意識咁將目光放係對方身上,其實已經代表佢係你心目中佔左一席位。如果對某樣野冇特別興趣既話,係唔會多次或長時間咁注視佢架!

2.眼神同身體接觸會心跳加速
當佢望到你或者行埋黎你身邊既時候,你會不自覺地心跳加速、緊張,呢啲身體既自然反應更可以證明你對佢有好感。

3.收到佢冇意義既回覆都會好興奮
對方只係發一個哈哈笑比你 你已經好開心,仲諗定下次覆乜野訊息比佢,同埋期待佢會點覆你。但一個你對佢冇感覺既人發啲冇意思既訊息比你,我諗你都會覺得莫名其妙甚至已讀不回。

4.會妒忌同佢講野既異性
見到對方同自己以外既男仔/女仔傾計,心裡面會乸住乸住唔舒服。試問如果你唔係中意佢,你又點會呷醋呢?

5.佢唔喺身邊會好掛住佢
佢唔喺你身邊個陣你會好掛住佢,代表佢身上有你中意既特點令你成日好想見到佢。就好似你中意食藍莓蛋糕,一日到黑都會買黎做早餐、午餐1晚餐咁。

6.隱藏自己既缺點
因為你中意佢 想同對方有發展既機會
所以會盡力表現自己優點 隱瞞缺點
避免係對方面前出醜

7.幻想同佢既將來
假若你中意一個人,你會成日幻想同佢拍拖之後既情景:你地一齊返工返學、佢餵野食比你食.....仲會幻想同佢第一次接吻既浪漫情節。

如果你冇以上既特徵,咁算啦唔好夾硬一齊。因為我話比你知第時如果分手,你就真係以後都唔會再同佢講野,仲會傷害你自己同呢位好朋友。


留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→