愛情信箱13:我以前係ptgf 文字

紙情 兩性專欄於 19/08/2016 發表 收藏文章
問題:

我同我男朋友已經拍左三年拖啦,我知道佢一直好想同我發生關係,但係我一直都唔比,原因唔係我唔愛佢,係我唔想比佢知我唔係處。

我男朋友係一個好斯文既男仔,對我好好,我係佢既初戀,所以佢係處男黎。而佢都係我既初戀,但係我唔係處既原因並唔係因為我有無前男友,係我幾年前曾經做過援交...以前細個嗰陣唔識諗,覺得做少少野就賺到錢好好賺,同人發生下關係就買到名牌,又可以比啲男仔讚靚女,當我係女朋友咁錫..但係日子一耐,就算啲男人抱到我幾大力,我都知佢只係想搞我,剩係想同我發生關係,當我係雞。我覺得佢地好嘔心,之後慢慢我都無再做。

就係我無做一排就識到我宜家既男朋友,我唔敢話比佢知我既過去,我唔敢比佢知我唔係處,我唔想知覺得我污糟,我唔可以無左佢..每一次男朋友話想搞既時候,我都話想結左婚之後先,一直好錫我既佢,都會好尊重我。
.
係我既生命入面,我唔可以失去佢,但當同佢愈拍得拖耐,我既罪惡感就愈來愈重,我唔想一直對佢講大話,但係我唔可以唔講大話。所以我諗住下一次佢再要求既,我决定會同男朋友發生關係,如果佢問起,我就講可能細個踏得太多單車。。因為我真係無左佢唔得。。

____________________________________________

回覆:

首先我都唔想鬧你,但做咩做呢啲野之前唔諗過後果先?坦白講真係好難有人會接受到呀......唉但唔發生都已經發生左,況且係以前既事唔係依家背住男朋友咁做,所以唔可以追究啲咩。

我講返正題先,其實講定唔講...真係要睇你過唔過得去良心。如果講左出黎,可能佢真心好愛你,所以唔介意你既過去而選擇繼續同你一齊;亦可能佢知道左之後完全接受唔到,於是分手。不過就算點,講左出黎就一定會影響你地感情,心裡面一定會有條刺。另一方面,如果你真係唔講,你又會捨得佢一直唔知?


留言

會員
我要評論
請按此登錄後留言。未成為會員? 立即註冊
  • Sämi Wong
    Sämi Wong 於 21/08/2016 評論 NO. 1

    呢篇文相當有可疑

  • Chun Hin Chan
    Chun Hin Chan 於 21/08/2016 評論 NO. 2

    全部都係

  • Alexander Li
    Alexander Li 於 21/08/2016 評論 NO. 3

    識食一定唔食處

  • 梁 公子
    梁 公子 於 22/08/2016 評論 NO. 4

    雞就雞啦p乜春

快捷鍵:←
快捷鍵:→