愛情信箱08:愛上自己嘅青梅竹馬 文字

紙情 兩性專欄於 10/08/2016 發表 收藏文章
問題:

是咁的,由於父母關係,所以我有一個由細個就識嘅男仔friend。我之前已經鍾意佢,但係由於越來越大嘅關係,我同佢已經冇以前挽得咁close同少左傾計,我間唔中都會whatsapp佢,佢都會覆我,不過都係傾一兩句就bye bye....我想問點先可以拉近距離,同點可以引起對話又唔尷尬。我又應唔應該表明心意,但又怕衰咗大家見面會尷尬(因為大家父母都係好熟,會經常見面)同埋唔知佢有冇鐘意嘅女仔?

___________________________________________________________________________________

回覆:

問題一:點先可以拉近距離?
其實你地已經冇friend咁耐,真係比較難去突然間friend返既。所以你要睇下佢有有冇參加啲咩出面既活動,你都仆去參加,咁樣先會多啲機會接觸架。

問題二:點可以引起對話又唔尷尬?

當你同對方唔太熟既時候,兩個人唔講野的確有啲尷尬既,咁點樣先可以開話題繼續偈落去呢?首先你要細心觀察對方既動態,並嘗試稱贊佢,例如:
「我中意你件衫既設計吖」

之後就係做佢忠實既聽眾細心聆聽,留意邊啲係佢有興趣講多啲既話題,再就嗰個話題問佢相關既野,咁佢先想繼續同你傾偈,例如:
「咁呢件衫係邊度買架?」
「淘寶呀,我好中意淘衫返黎,雖然質素唔太穩定,不過平呀嘛」(呢句睇得出佢中意淘寶呢個話題,我地可以試下延續落去)
「咁啱既我都有淘開寶,上次仲搵到正野,不如介紹比你啦?」
如果佢答好,你就可以順勢繼續傾,然後send條貨既link比佢添!

不過記住同人傾偈唔好齋講自己野,因為人地唔係免費樹窿,一旦佢對你既野冇興趣就會覺得你份人好自大,慢慢減少同你講野既頻率,之後要改變印象就難了。

有幾個說話要注意既技巧:
❶唔好為左改話題而隨便插話
❷千祈唔好直接拒絕人地
❸講下自己既蝦淥野
❹多問開放式問題等人討論
❺要從簡單同輕鬆問題開始
當人地唔識既時候應該要換話題
❻主動問多啲對方既事(無論係寵物、興趣都可以)

問題三:應唔應該表明心意?

第一你地本身熟唔熟,突然間走埋去話愛,係人都嚇親啦。第二,佢對你有冇興趣呢?對方平時主唔主動搵你係最重要既考慮因素,同埋佢有冇嘗試延續你地之間既話題?第三,真係想表白既話其實唔好直接講,用暗示既方式更好,例如經常讚佢之類....

問題四:唔知佢有冇鐘意嘅女仔

呢樣你就要chok下佢同埋留意佢有冇like開邊個既相喇!

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→