想細水長流係有秘訣架! 文字

紙情 兩性專欄於 16/08/2016 發表 收藏文章
有人問我激情好定細水長流好......一部分人會揀激情,佢地覺得人生點都唔可以穩定平淡;但我比較中意安安穩穩既愛情,因為激情好難維持到咁長時間,而細水長流先可以真正經歷到曲折既人生。不過真係想呢段感情更加長久既話,其實有幾個守則既:


收起自己,考慮雙方處境

喺關係裡面唔好無限放大自己,愛情生活係屬於兩個人既,迎合對方其實唔代表施捨,相反太渴望自由會忽略對方感受。

同甘共苦先係哲理

無論係值得開心定係令人傷心既事,你對另一半既支持其實好似宇宙咁震撼既力量,好多時一句安慰既說話或者一個擁抱已經好足夠。

買紀念禮物時要花啲心機

唔好以為老夫老妻揀禮物時就可以hea,覺得對方會唔介意或者唔記得就錯了。可能對方叫你唔好浪費金錢,但係實際上有少少準備已經可以冧到佢,例如簡簡單單食餐飯加封情書已經好感動 (冇人會抗拒收禮物架嘛)!!

要共同成長

最好既愛情係兩個人一齊成長,步伐一致既愛情先可以避免互相侵蝕。當其中一方既眼界越來越闊,另一方就繼續係度原地踏步既話,最後先會發現大家距離相差得太遠。結果其中一方會被嫌棄追唔上對方,另一方又會話對方唔等埋佢、自己顧自己。

學識溝通同談判

雖然家庭唔係法庭,但係唔好等大家關係降到冰點先郁手挽留。好多男人以為努力賺錢就可以滿足女人既需求,同時唔少女人亦會用眼淚去掩飾自己既錯誤。但係要明白,溝通先可以令對方了解你真正需要,所以不妨嘗試用積極態度同佢溝通吧。

保持讚賞

每個人都中意比人讚,無論係邊一方面搵到對方值得鼓勵既一面要開口讚對方。特別係伴侶之間最感激對方既野,往往就係對方最唔容易做得到既事。例如佢為你決心戒煙 、戒賭,呢個時候記得多謝對方為你既付出。

唔好執著誰勝誰負

每次鬧交有女人例牌要男人當面低聲下氣道歉先收手,但係如果你認為每次鬧交都要有一方贏,咁係你就大錯特錯,事實上雙方讓步或者合作先係明智之舉。

小小驚喜同浪漫

拍拖愈長感情就會冇啱啱開始個陣咁激烈,黎到平淡期不妨搞搞新意思,例如轉換自己既形象或者送對方禮物。

親密接觸唔可以少

面對失敗,一個擁抱當然勝過千言萬語,但平時都要有親密既身體接觸去維繫大家既感情,拖手同擁抱分分鐘比一百句話更甜蜜!
_________________________________________________________________

如果中意我既文可以去我Instagram :lovestoryhk

_________________________________________________________________

留言

會員
我要評論
請按此登錄後留言。未成為會員? 立即註冊
  • Daniel Chung
    Daniel Chung 於 18/08/2016 評論 NO. 1

    吾好比負能量

快捷鍵:←
快捷鍵:→