從陳貝兒睇得出女人會較易為愛付出:「有個愛我既男人做咩都得!」 文字

紙情 兩性專欄於 11/09/2017 發表 收藏文章
陳貝兒啱啱經歷離婚之痛,依然好堅強咁如常做主持,強迫自己睇住人地好甜蜜咁互動,唔同既係有時只有佢一個人獨白嗰時會忍不住流眼淚。

無錯當一個女人失去最愛既人,成個世界就好似冧落黎咁,覺得冇曬青春、愛情、金錢,咁多年黎明明好地地,一下子咩都被背叛。有經歷過分開都知呢段時間係好難捱過.....由兩個人一齊生活,變成自己寂寞喺屋企;有啲野要靠男人幫手,呢個時候咩都要自己做;傷心想搵個人好好地安慰、依靠,依家只能一個人痛哭,仲要摟著毛巾摀住自己把口,免得比人聽到會問自己咩事,又再次無情地挑起內心既痛苦。


我覺得陳貝兒講得好啱,其實幾強既女人都想有個男人依靠,當佢真係對自己好,就算做清潔工都冇所謂。睇到對方望住自己既眼神流露出溫柔、愛、關心,已經係無價。

佢仲不久之前喺Facebook度開live,多謝網民支持佢添,我都好開心佢可以走出黎,冇繼續收埋自己。其實呢個節目或者係個好機會比佢去更加認識自己,亦可以比人地睇到佢既情況,知道佢有幾堅強。


但係有網民就話佢唔止想要個錫佢既人,都要佢眼得上眼至得。

而我就唔係咁認為,女人到左某個年齡個心態會變,有時佢地只想有個人照顧自己就足夠,希望有個可依賴既人陪自己。有言「要搵個愛你既人,多過你愛佢既人先會幸福」, 或者陳貝兒想咁而已,未必需要深愛佢先一齊。我地依家呢個年齡當然想兩情相悅係最完美,但係當人經歷過分手/離婚睇法就會唔同

咁當然~~~~自己亦要變強啦!我寫呢篇文唔係話要完全靠曬男朋友,而係想帶出:點都想有人陪同埋愛自己既意思。我地依家講「所有野靠自己,唔使其他人幫手」呢句聽落好似好簡單,不過心底裡面都係想有人比自己依靠既~~冇人會想孤獨過一世架

仲有好重要既一點係:你唔珍惜自己,人地點珍惜你呢?所以想有人愛之前,請對自己好啲。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
  • 謝敏
    謝敏 於 19/09/2017 評論 NO. 1

    佢說的對

  • Bobo Lee
    Bobo Lee 於 19/09/2017 評論 NO. 2

    Karen Law KLin

快捷鍵:←
快捷鍵:→