如何令另一半有安全感 文字

紙情 兩性專欄於 24/08/2016 發表 收藏文章
一直以來你地極大部分人都有同一個窘境,就係唔夠安全感或者點比安全感比對方。安全感呢樣野睇落好似好無形,但事實上又深深咁控制住每一段感情。因為冇左安全感呢段關係就會岌岌可危,其實安全感係可以係生活中搵到既。

點樣比安全感對方?


無論男定女都需要將自己既睇法同對方講,唔好話怕對方介意或者發嬲,反而你勇於向另一半表達自己既意見、主動關心佢既日常生活,會令佢覺得被你重視。如果你有野收收埋埋而冇拎曬出黎講,或者平時性格被動又冷淡既話,先會令對方懷疑你係咪偷食或者已經淡左,咁先會check你電話、不停問你係邊之類。到左呢刻,好明顯佢呢啲係冇安全感既表現。

另外唔好以為拍拖耐左唔需要親密接觸,經常拖手、擁抱同讚賞係話比對方知:我仲好愛你,頻密既身體接觸同甜言蜜語係直接為對方增加安全感既方法。

當然你唔可以一邊拖佢手,一邊又不停講另一個同你要好既異性。因為任何人都會有妒忌心,在乎妒忌程度輕微定係嚴重。即使佢表現得毫不介意都好,心裡面都會有少少唔舒服,呢啲小事都會慢慢減少佢既安全感。

點比安全感自己?


大多數人都話另一半比唔夠安全感自己,但其實自愛既人係唔會等待人施予比自己,而係識得自己擁有安全感。換句話說姐係比自己更多自信心,培養唔同興趣去增加魅力。與其糾結係對方覆唔覆你wtsapp,不如自己尋找更多寄托同人生目標!
_________________________________________________________________

如果中意我既文可以去我Instagram :lovestoryhk

_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→