女追男既基本技巧 文字

紙情 兩性專欄於 03/05/2017 發表 收藏文章
成日話女追男隔層紗,其實依家唔係咁容易架喇......因為男仔都開始揀擇,唔會咁易lur飯應。我真實事例話比你知女追男都勁難,所以究竟女仔點樣先可以獲得成功既愛情?拿唔好話我膚淺呀,因為真係事實黎、冇呃你。


增值自己

唔好話為左男仔啦當為左自己,就算出黎做野,第一印象都好重要,打扮整齊亦係尊重人既表現。你可以睇YouTube學化妝同襯衫,揀一個適合自己既風格,或者學一兩種技能(整甜品/手工藝...)提升自己魅力。講真男人第一眼係睇外貌架,唔係我講,係好多研究咁樣結果出黎。之後佢地先會慢慢睇內心,That's why化妝係重要。見日本妹個個出街都化曬妝,其實佢地既文化係講緊:用心打扮先至尊重人地同自己。

日本少女nonno雜誌:
http://nonno.hk/fashion/1666


香港少女presslogic網上雜誌:
http://girls.presslogic.com/2017/04/28/article/90100/

收放自如

依家女仔見到中意既人唔興收收埋埋,但你唔表達自己心意,幸福會自己走上門嗎?不過你地要留意返唔可以太進取呀,我見過有女孩子太熱情而嚇走男仔。所以你地既行為唔可以太明顯,但又要喺佢面前顯露自己柔弱既一面,咁先可以引起佢既同情同憐憫。當然,如果你唔想人憐憫你都得既,可能機會會少啲咁解,始終男人天生都中意照顧人嘛。

體貼溫柔

通常男仔有心事都唔會講出口,所以你要比其他人更留意佢既情緒,如果佢唔開心就要借機整甜品,整埋佢個份之類,總之要低調地支持佢。

加油吧女孩子
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/
_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→