女朋友話要分手但搵我做SP,我拒絕唔到 文字

紙情 兩性專欄於 11/07/2017 發表 收藏文章
我望住日曆,原來我同男朋友已經分開左四個月,但我始終放唔低佢。我同佢拍左四年拖,拍拖第三年佢就去左外國讀書,嗰陣我地仲係一對好sweet、外人以為會拍拖既情侶。臨飛嗰陣我喊曬咁問佢可唔可以唔去,因為我知道lond d好易散,佢執住行李話:「梗係唔得啦!傻妹,我去一年exchange之嘛,間唔中都會返黎,又會同你Skype架!」之後又繼續執行李。依家好似得我一個唔開心我地分開兩地,又擔心佢安危咁,佢臉上既弧度話我知——佢好開心、好期待。

我好用力攬實佢,因為我有不祥預感,呢次分別好似就以後唔會再見咁。喺禁區前面佢最後錫左我一啖,嗰次係我最後感受到佢嘴上既溫度。


一開始頭一個禮拜,一日一次Skype,後來幾日一次、兩個禮拜一次、一個月一次........好多時我好想搵佢,只係聽下把聲都好...佢都唔喺線上。不過我依舊撳入佢冇上線既whatsapp,打曬我每一日做過既野比佢知。就算佢上堂唔得閒搵我,我都唔想佢對我喺香港既生活一無所知。

有次我突然心絞痛入院,佢終於都返黎睇我,雖然佢見到我嗰陣攬住我、成身震曬,但係我完全感受唔到佢曾經擁有過既溫暖。我唔知點講,總之我覺得眼前呢個男人個心唔係擔心我,似乎有啲野隱瞞住,唔想比我知道咁。係,手術係成功左,相反心臟承受能力差好多,成日要屋企人擔心。而我依家唔係擔心自己身體,而係驚緊佢喺外國究竟做緊咩。

佢外國大學exchange完之後返左香港做野,不過佢就提出分手,話我思想好負面、成日唔開心,話我唔去學下野,走黎煩住佢。我聽到之後竟然冇好似以前咁大喊,因為我心早就碎左,不過我知我冇左佢唔會支持到咁耐,所以我約多左朋友,又去學整野食。結果佢最後都冇返黎我身邊,我唔明,我等左佢一年,亦甘願改變自己,點解佢仲想逃避我?我問佢係唔係因為我有病所以唔要我,佢話唔係,只係話感情淡左。咁點解無啦啦會淡?

喺我唔知點算嗰時佢send左個msg比我:「你可唔可以做我SP?」

我已經好努力去改,而我知道佢唔會再care我改左啲咩,所以我應承佢。

之後佢每隔幾日約我一次,去同一間賓館、同一張床。以前同佢做,佢會慢慢引起我條癮,依家佢只會快快除曬我身上既衫,發洩完會問我拎返一半房錢。望住佢空洞既眼神,規律既動作,我知道佢根本唔係中意我,佢只係當我係一個有體溫、有反應既吹氣公仔。了解呢一切後我冇離開,我選擇繼續做,的確除左呢個關係,我同佢已經冇連繫。如果要我揀失去佢,我寧願幻想佢仲係我既人。

呢個關係維持左一年,所以我一開始話我同佢拍左四年拖,嚴格黎講其實只係拍左三年。後尾佢冇再搵我攸SP,聽講佢同左個金髮鬼妹一齊,原來佢喺外國exchange第二個月已經識左呢個女仔,完左exchange因為要返黎香港讀埋嗰一年先被迫分開。依家人地女朋友直頭落埋香港,人地梗係唔再需要我啦..........或者我應該喺佢去左外國就要講分手,咁呢一年就唔會想分開都不能分開。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→