女朋友最憎既男朋友類型,中左其中一樣都想死(上) 文字

紙情 兩性專欄於 09/08/2017 發表 收藏文章
好耐之前喺第162篇我講過一篇,關於男人接受唔到咩類型既女仔,嗰時大家反應好激烈!因為好容易中。但我份人好中立既,點會淨係話女仔唔話男仔?以下呢幾點如果是旦中一樣,你都要反省下自己身為男朋友係咪做得唔好喇。


1. 好耐先覆信息,甚至唔覆

呢個係講緊成個人好似失左蹤咁,事前完全冇講過去左邊但唔應機。幾次冇講當係唔記得咗啦,次次都係咁?就直頭係冇女朋友心!(當然返工 返學 有急事唔計)

2. 口臭

呢點真係唔係人人接受到!一打開個口就垃圾車咁既味喎,就算個樣好似彭于晏咁都唔掂,冇理由食香口膠食成世架......不過有口氣通常係因為體質或者有牙周病,你去乖乖地睇醫生應該可以醫返好既。

3. 王子病

雖然香港有公主病既人多啲,不過王子病既人都大有人在。例如叫女朋友比錢食飯、買野、拎野,叫女朋友做呢樣做嗰樣;做人冇目標;完全冇諗過還錢 ;亦都當女朋友係工人咁使,毫無感激心;甚至次次都要佢聽曬自己話,冇得佢講,一旦做唔到你要求就要講對唔住、死氹爛氹。其實呢啲已經唔係王子病,而係自以為係王子,其實係死仆街既人。

我睇過一個大陸節目exactly就係咁,個男朋友話佢去比賽,女朋友竟然冇到。事實係個男仔冇講過喺邊度比賽,女仔用左幾個鐘搵曬附近全部中學先搵到。雖然趕得切睇到佢嬴左,但最後男朋友竟然嬲佢,當住佢面同朋友走,仲話唔道歉係唔會理佢,完全將個責任推曬比人地

4. 媽寶

明明你呀媽已經係咁蝦你女朋友,背後話佢唔靚女、成績唔好等等,呢個時候你仲加把口話女朋友不是?呀媽叫你唔好出街你就唔出;呀媽叫你唔好同女朋友wtsapp又你照做,不如你同呀媽結婚啦使鬼拍拖咩。

5. 思想唔成熟

遇到問題永遠唔會諗點解決,只係一味鬧脾氣、想逃避,同時對女朋友又採取玩玩下既態度。可能本身一個月只係見幾次都寧願拎時間打機,唔要同女朋友拍拖.....所以話呢,唔好怪女仔中意啲大個既Oppa啦。

可能你覺得上面既問題都唔係問題,因為女朋友依然不離不棄。但其實佢唔走只係因為佢信你仲會改,仲覺得你會為左佢變好。假如你唔想眾叛親離,咁你真係要好好諗下之後既人生點過。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→