大學ocamp真係咁狼？ 精選

依家暑假就完 大學聯招已經放榜，通常喺7月尾至9月頭各大學就會搞ocamp(迎新營)，比freshman(新生)去認識大學同學既好機會。雖然報紙上一片反對ocamp既聲音，但係作為參加過6個以上ocamp既過來人話你知，我試過做freshman,helper,莊員,組媽，其實都唔需要阻止另一半去。


要出軌係阻止唔到

我真係唔明，點解要阻止另一半去ocamp，你真係擔心佢會因為ocamp出軌既話，事實上佢本身份人係會見異思遷既，根本唔需要ocamp呢三日兩夜，喺大學咁多機會總可以識到第二個。再者如果佢真係咁既人，呢個其實係一個好機會考驗佢，佢出軌既就早一步離開，唔需要繼續浪費時間。不過我見過更多幸福既朋友們，佢地由中學到大學 再出黎社會一直都係咁甜蜜、咁糖痴豆啦。

你愈唔比佢做，佢愈想做

假設你阻止佢去ocamp，佢唔聽你講最後都係去左，如果你途中不斷wtsapp佢問佢有冇女仔/男仔朋友、有冇同人有身體接觸之類............不斷不過斷不斷咁煩住佢，叫佢唔好同異性傾計，你覺得佢係ocamp會唔會開心呢?反而佢可能會因為呢個ocamp覺得你太煩，萌生分手念頭呀！！
Ocamp真係一個好體驗

寒窗苦讀其實都係想大學嗰陣開開心心，依家連一個ocamp仔都唔比去，咁遲,下住hall呢？盆菜宴呢？開sem飯？統統唔比佢去？咁佢讀大學黎做咩？不如蹲係屋企仲安全！Ocamp裡面有唔同遊戲都係好正、好好玩，例如Cityhunt,Detective game,水game,mass game，樣樣遊戲都係莊員諗得好辛苦，真心想freshman玩得投入，感受到大學生既自由生活。Ocamp亦係一個好機會識到好組mate，第日有咩功課要出黎present 或者唔識，好需要依賴當時熟絡左既同學。

不過當然：最重要係去ocamp既男朋友/女朋友自己知分寸


最後忠言：

Ocamp可以係有益身心亦係進入大學既難忘經驗，近年社會上廣泛鬧大學迎新營無聊、變態、色情...冇錯的確有啲ocamp 係過左少少火位，嗰啲出左名既就唔好去喇。不過玩我ocamp 都是心智成熟既成年人，加上大部份ocamp都其實係非常健康，只係傳媒報紙等針對負面報導。

當然作為fm既你或者你另一半可以選擇玩定唔玩，諗清楚喇！
_________________________________________________________________

如果中意我既文可以去我Instagram ：lovestoryhk

_________________________________________________________________