唔好阻止男朋友睇AV 文字

紙情 兩性專欄於 23/09/2016 發表 收藏文章
唔知點解唔少女性都拒絕男人睇a片,但好似女人話題咁離唔開事非同化妝,而男人既話題就係女人同錢之嘛。兩性既關注問題唔一樣,你問佢地唔睇a片得唔得,咁佢地問返你唔講人事非得唔得吖?


其實有慾望同生理需要係好正常,你愈想抑壓佢,佢就會愈強烈。就好似你想減肥而完全唔食野,到左臨界點嗰陣爆發出黎,見到野食嗰陣就會忍唔住狂食,所以食野同睇a片同樣道理。

有一個中意睇a片既男朋友好正架,佢平時已經發洩曬喇,相對黎講都難啲出去搞搞震啦(邊有精力。如果你肯同佢一齊欣賞既話,仲可以為你地增加情趣同氣氛添。同埋連生理需要你都想控制佢,佢仲有咩.........你係未掌握喺手中架?平時男人有咩情緒唔習慣講比人知,要舒緩壓力有時就靠呢個方法。


有啲人可能會話:「點解我喺度都要睇?」,係咪嫌我唔夠大波、唔夠靚之類。喂大佬你夠一日到黑睇韓劇啦,當正啲男演員係你真男朋友/老公咁,依家我問你喇:「點解有男朋友都要睇呢?」。假若你唔係一個瘋韓既女人又問呢個問題,我會答,因為你同佢既興趣唔一樣,你既興趣可能係畫畫、唱歌、跳舞,佢既興趣係打波、打機、加埋打J而已。

講真,睇一陣a片真係會同女優拍拖、結婚、生仔咩....有研究仲確實指出唔打係會有前列腺癌的。你想佢久唔久發洩下,定係患癌賣咸鴨蛋先?拿,但係你真係唔想同佢一齊睇都冇問題既,由佢自己一個睇囉,不過大家會少左一種樂趣姐。
_________________________________________________________________

如果中意我既文可以去我Instagram :lovestoryhk

_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→