同男朋友去放題可以知道佢愛唔愛你

紙情 兩性專欄 於 02/02/2017 發表 收藏文章
話說琴日我同男朋友兩條友唱k啦,我地唱k之前其實去左食放題先既。不過放題唔係單單食野咁簡單,當中係可以睇到你地既默契度!(參考價值係因人而異,唔好認真睇嘿嘿)


首先點菜既時候佢逐張紙抆出黎,過程中完全冇同你傾要食啲乜,但當你拎上手睇既時候會驚訝地發現,佢已經點曬你中意食同埋正常會點既野。如果你咁啱唔食/唔食得生野,又咁啱佢都係唔食/唔食得,而最後佢都願意陪你一齊食放題既話..........呢個人真係好比漆黑中既一點螢火蟲,冒住比人話百幾蚊戇居居黎嘥錢既風險,仍然想同你兩個人享受盡情食既時光。

另外萬一你咁啱黎m或者病左嗰陣,可能會發現生冷野同煎炸野張紙唔見左。呢個時候唔好主動問佢拎返喇,因為佢暗地裡為你身體著想,你都係乖乖地聽曬佢話啦。

到左嗰樣餸終於黎到,咦,死喇好似點錯左或者劃多左添!當時你個樣根本掩飾唔到內心既緊張,不過為免另一半會話你嘥野,照舊拎起枱面上既筷子想食左佢。突然,舊餸被夾起到半空........原來係對方一早睇穿你既擔心,比你快一步食左件野先

仲有如果佢見到你中意食既芋頭波波黎到,佢會比埋自己嗰件你食。因為佢知道多多都有得自己食,但係你既笑容唔係咁容易得到。雖然無得食,但係望住你一面滿足已經令佢好開心‧。

所以話食個放題都大有學問架,不過當然,以上既行為冇中都唔代表佢唔愛你啦。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/
_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→