公開關係真係好幸福架,仲可以令另一半有安全感! 文字

紙情 兩性專欄於 30/06/2017 發表 收藏文章
一開始我同呀b拍拖嗰陣係地下情先,因為費事咁快比朋友知道又抽水。你知啦啲所謂既傻hi兄弟會笑9你:「屌你,新女喎識食呀下!第時有異性冇人性啦!」,好多時尷尷尬尬咁哈哈哈就帶過。不過比人笑都係事小,啲女知道我名草有主,個個喊曬就唔好。

但係我地最後都係間接咁公開左既.......

話說n年前同女朋友去Christmas ball,嗰度好lun多狗公發曬癲架嘛,成日借啲意摸我女朋友,身為男朋友點會唔興到屎咁,緊係拿拿聲衝去攬9實呀b啦!情況就好似屙尿畫地盤,啲狗公都知情識趣兼無曬癮行開左,於是個個都知道我地係情侶關係喇。


正當我以為公開左關係比人笑,每次拖手都會勁尷尬既時候,我發現人地既眼光根本唔重要,因為高調拍拖反而比到安全感呀b。我一up我地既相上ig/fb,佢就會偷偷地甜笑;我向朋友介紹呢個係我女朋友,佢又會好緊張好怕醜仔。

有次我主動提出買情侶衫,著住出街嗰陣佢個樣,嘩,我第一次見,好似拎左諾貝爾物理學獎咁呀,完全係一面春光、無人能及。所以如果唔係啲咩特別原因要收埋,而女朋友/男朋友又想講比人知的話,就乾脆公開你地既關係啦。冇咁辛苦之餘,小小動作已經氹到佢。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
  • 丁力大衛
    丁力大衛 於 10/07/2017 評論 NO. 1

    不能認同更多!

快捷鍵:←
快捷鍵:→