佢有咩事都會匿入黎,我諗我就係佢既避風塘 文字

紙情 兩性專欄於 03/05/2017 發表 收藏文章
病左,今日叫男朋友幫我寫下文先。

我女朋友真係一個好感性既人,不過成日都會將啲野收埋收埋,外人見到佢覺得佢好強、好成熟,亦因為咁,佢對自己訂下好高要求。日積月累既壓力令佢有時好痛苦..,所以我成日同呀b傾偈,想佢個人開心啲,唔好成日諗負面野。啱啱同佢一齊冇幾耐嗰陣,心諗點解呢條友諗野咁負面。佢時不時呢埋喺度一個人喊,好似有舊烏雲蓋喺佢個額頭上面,隨時都可以落暴雨。於是我撩佢傾下啲白痴野 ,等佢唔好諗咁多,慢慢到左依家終於開朗左少少。

我地兩個好中意傾偈,食飯多數唔傾,只會互相挨住,而到左夜晚黑先係最活躍既時候,講下目標、做野、生活、搞笑野、幻想.....有時真係傾到第二朝早6點鐘。平時佢喺出面冇乜點講野,可能想講既野都已經同我講曬啦,但係唔好以為佢係斯文type,其實佢可以比其他女仔更加癲(喺我面前)。當我每次搞爛gag嗰陣,呀b都會咔咔聲咁笑,佢話係真心笑喎,我信左架喇。所以我好多謝佢,亦好開心佢可以喺我面前毫無保留 (唔好諗左衰野,係講緊內心😀)


佢有乜都會呢入黎,我諗我就係佢既避風塘。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→