你根本唔知對方想要乜野! 文字

紙情 兩性專欄於 28/09/2017 發表 收藏文章
睇到囂搞既小短片真係腦洞大開,總之一句講曬,男人同女人需要既野都唔同。姐係你以為佢會好開心,其實佢唔中意;又或者你覺得自己做左好多,其實佢唔覺。所以搞清楚對方想要啲咩先可以解決問題,如果一味硬塞自己中意既野比對方,咁對方當然唔中意啦!佢又唔係你。


例如男人成日話唔知點樣氹女朋友,另一方面女朋友又覺得男方做得唔夠喎。呢個時候男人就澄清:「我明明已經對佢好好,又買手鏈比佢,放假同佢去一日迪士尼...而佢就總係話我對佢唔夠好....我都唔明」不如我地又聽下女朋友點講:「其實佢送野比我同陪我去玩,冇錯係開心,但係我更加想佢多啲關心我,做啲體貼既野,唔好只係關心佢份工!」男人又回應:「呢啲小事都care咁麻煩!」不過往往男人眼中既小事,就係令女朋友有種被人愛錫感覺既關鍵。

簡單黎講就係男人要學識細心啲,係,你送野買野陪佢玩都好好,只係窩心既行為往往勝過一般浪漫舉動。大部份女人都想你當佢Bb咁樣愛錫:

為女朋友買宵夜 +1分
打電話問女朋友返左屋企未 要小心啲 +1分
女朋友唔開心摸下佢個頭 +1


所以女人其實好易滿足,男人認為女人唔易滿足只係因為唔知佢地想要咩,之後又單方面以為自己所做既事好好 ,咁咪出事囉!多啲聽下女朋友點講,好過自我感覺良好啦!

同時女朋友都唔係好知男人想要咩,其實男人最怕煩,你唔好煩到佢地就得。例如同埋男人都係諗嗰啲野,你好勁既,嘩佢自然開心到飛起。又例如比佢地同朋友食飯放鬆下都得,總之要比佢有舒緩壓力既機會,唔使特登對佢好就會加爆分。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情Lovestoryhk
/定期更新愛情文章架,多謝支持/


_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→