你地有冇中到呀?10個女人變老姑婆行為 文字

紙情 兩性專欄於 25/04/2017 發表 收藏文章
/改編自Webtvasia Taiwan短片/

近年愈來愈多女仔變質,好多人外表正正常常、甚至靚女,但把口變得愈來愈八婆,四周圍講是非不特止仲捏造傳言。其實你一舉一動都比男人看在眼裡,所以點解你會變老姑婆?睇下係咪因為自己性格黑人憎啦(倒序排列):


第十位:愛做作

女仔面前:「你覺唔覺嗰個婷婷好樣衰呀?」;男仔面前:「婷婷佢幾好吖!幾靚呀」

第九位:講人是非既三姑六婆

向Belle講:「你知唔知婷婷男朋友比人搶走呀?」Belle去左廁所又同呀sa講佢壞話:「Belle佢以前都係小三黎架!」

第八名:任何時候都中意尖叫

睇鬼片驚嗰陣又尖叫,見到靚野/韓劇好激動又尖叫,人生完全為左尖叫而活。

第七名:瘦到乜咁都嫌肥

明明身邊既人都話自己瘦,只有40公斤但係都話自己好肥,隻手瘦到皮包骨咁夾硬搣啲肉出黎。利申下先:小編我以前就比人話瘦,呢個年頭多左人話我隻腳粗喇😃唔是自己講~~~

第六名:成日都話男人唔明佢個心

同你講野又十問九唔應,問你做咩事仲話冇事、唔使理你,最後..就話「你都唔明我個心諗乜既?」得得得 我投降喇,你去搵柯南結婚啦好嘛?

第五名:不斷將前男友同現任比較

「我前男朋友揸波子架」
「唉..以前有人會幫我剝蝦殼」
「今時唔同往日喇 都唔知點解會揀左你」
咁多野講不如你搵返前男朋友啦。

第四名:成日曬自己落club 講名牌

嘩好威威呀!唔講仲以為你出黎做添。其實玩咪玩囉,呢啲野曬黎做咩呢?喺度炫耀自己成身品牌只會覺得你俗,當然你自己買比自己就例外。

第三名:利用男人做工具人

簡單啲黎講就係收兵做唔同既野:水兵就比錢買禮物;步兵陪行街;弓兵負責send啲讚娘娘既msg;工兵負責組裝電腦同電話:砲兵係打交開拖;騎兵就揸車接送。

第二名:眼中只有錢

已經係不可救藥。

第一名:蠻橫無理既公主病

已經係不可救藥。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/
_________________________________________________________________

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→