・ღ 舊區一角的冰室情懷 ♥ 老鳳冰室 ღ・ﾟ

手提電腦壞左，迫不得已要到高登一轉買返個新電腦，以應付日常所需。
買電腦的過程比想像中快，因為一早已經揀好型號，只是看看實物就可以了！
買完就打算在附近開餐，其實我都好喜歡去舊區找吃喔！
我不相信有人會日日食和牛吧～哈哈！
最後我們到了一間小小的冰室，裝修充滿玩味，簡單說就是呃鬼佬格局！

深水步屬於香港的舊區，冰室茶餐廳五步一間，不過這裡整體感覺乾淨，
似是剛裝修不久，裝飾都加了古舊的元素都加進去，有點似當年青衣城市集的感覺。

你有多久沒正式寫一封信？ 我對上一次好似是明信片吧～
在餐桌面找到兩封信，原來是這裡的餐牌喔～

餐牌中間有冰室的Best Seller 系列，適合喜歡睇圖的朋友喔！

黑松露炒蛋多士 $38
定價略貴的多士, 但看到實物就覺得抵食的,黑松露超重手,未食聞到都覺得松露香!
多士烘得脆身,加埋中式的炒滑蛋(即是不用牛乳那種) 平民comfort food 中的luxury 就是這種!

多到滿瀉的松露油,多士已預先切開兩片~
芝士牛肉濃湯通心粉
我們都沒留意通心粉是有薯蓉及煎蛋跟餐的,送餐時才知道,搞到食晒一星期的蛋~
炒蛋炒得好滑,比多士的仲要滑,遠看就像一件金黃色的外衣!

薯蓉保留粒粒的質感, 上面淋上了免治牛肉的汁,味道偏甜不酸,而薯蓉是用中式做法,
牛油味不太重!

芝士牛肉濃湯通心粉,濃濃的蕃茄濃湯最吸睛,芝士帶出丁點咸香,
整體都是香港人喜歡的冰室情懷, 不算特別好吃,但每次食都有一份幸福感,外國人唔會明!
最後仲叫左兩杯飲品, 波波奶茶 及 雪糕紅豆冰
波波奶茶是用奶茶預先冷藏成波波狀, 大小如乒乓波吧!飲到尾都凍冰冰,又唔會有冰塊溶化愈來愈淡的情況出現,不過我地食完都未溶晒,可以當沙冰食埋!
雪糕紅豆冰係用雪米磁,加左好多忌廉同朱古力粉在上面,成個感覺好豐富!而且紅豆係用粒粒大紅豆,有咬口又有天然甜味,肥都好值得試!
裝修食物都用左好多心思,黎影下相都幾好!港式冰室買少見少,趁仲有要珍惜了!

良記餐廳(老鳳冰室)
深水埗基隆街216號地舖

For Collaboration and Invitation,
Please send to : littlecatt@gmail.comFB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare