.｡₀:☆ 小倆口的快樂兩周年 ♥ ANA Oyster & Grill☆:₀｡

話咁快我同Mr.K又兩年啦，周年慶就揾個地方食個Fine Dining 啦！
揀左銅鑼灣 ANA Oyster ,樓上舖好多時都有驚喜呀！

因為落雨所以我地被安排坐室內的位置，環境暗暗的，的確好適合情侶食飯，
嗰晚仲撞見朋友同埋佢嘅未暴光的新友！

揀呢度食飯，大概係有Mr.K 喜歡的即開生蠔，
包括有澳洲法國南非等，加加埋埋都有近20幾款，價錢大概係30-50蚊一隻，
當然啦，侍應會根據口味而作出推介，言談間都感到對方對口味幾熟悉！

我地都係温和派，揀左嚟自法國的兩款生蠔：White Pearl 同Majestic, 兩者都係入口甜甜的，
有淡淡的海水味但不會好重鐵銹味，幾適合我這生蠔初階人士。

蟹肉沙律
成半吋厚的鮮蟹肉，面層舖了一層滿滿的黑魚子，蟹肉除左鮮味足外，夾雜魚子令口感更添層次！可以用附上嘅蕃茄薄多士夾住嚟食！不過得兩塊咋覺得少左啲！我鐘意佢口味清淡，至少，我食到蟹肉味，而不是一pat 不知名的混合物。
主菜揀左波士頓龍蝦意粉
上枱已經聞到好香的龍蝦膏的香味，意粉係比較幼身的，類似angel hair 咁，
醬汁係用龍蝦膏加蒜蓉同辣椒整的，所以食落會有少少辣，味道都幾過癮！
玻璃杯入面係蒜蓉蕃茄仔，開左邊粒粒都多汁又鮮甜！龍蝦就煎得略為乾左少少，不過肉質都好彈牙，無話霉呢個問題，所以整體都係中上。

甜品揀左Cream burlee 同朱古力蛋糕，雖然我估應該係交貨，
但整體質素都幾高，有時唔係話唔俾交貨，但都有啲誠意啦！呢個Cream Burlee, 蛋好滑不過火，個焦糖層燒得比坊間的厚身，真係有卜一聲的效果，而我是極愛聽到此清脆的聲音！未食已經好滿足了！

超香濃的朱古力蛋糕，上枱已聞到香味，食落味道濃郁而不會過於甜膩，正。

喜歡這間餐廳的環境同埋服務，侍應細心反應快，對菜式熟悉，
就如我地叫意粉也會第一時間說會微辣，細心得令客人好放心。

ANA Oyster & Grill
銅鑼灣駱克道491-499號京都廣場 4樓

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare