。o゚☆。自費 ♥ Amazon開箱文 ♥ 一物三用 ♥ 智能飾物 ♥ BellaBeat 。☆。o゚ 文字

專屬我的....於 31/05/2017 發表 收藏文章
Kawai 一直都有用智能手帶的習慣,用緊年幾的Jawbone UP3 上個月宣告 Certified ,死因是手帶手機apps不能同步,由於Jawbone 已經摺左,雖然我好喜歡佢的獨一智能鬧鐘功能,但馬死落地行,要物色另一個代替品!經過一番努力,終於揀中左 BellaBeat !(文章尾有其他我研究過的品牌相片)

品牌在香港暫時沒有代理,一年內有保修問題需自行聯絡,但因為外型太吸引,所以最後都敗左!從Amazon 買回來,打折後加上運費,最後大概是USD 140 埋單!折合港幣大概是1100元吧。(而家官網買兩條只需USD 220,激死我。)

黑色小巧的包裝,上面印多國說明,一如其他的智能手環,都需下載相關的Apps,而大路的Android 及 Iphone 當然沒問題。

吸引我的原因,是BellaBeat 智能飾物外型!就算俾你拎住,都唔會估到佢係一個計步器 ,外表完全沒有任何的發光位 及 顯示屏,無論點睇都只會覺得係一件飾物。

另外就係佢一物三用的,原包裝會有兩件配件(頸鏈 及 皮帶各一)可以根據你的造型,做運動時仲可以夾o係衫或褲上面,唔會周圍 fing,做瑜伽倒吊都可以帶住。而我買的 Leaf Urban 更有防水功能,很user friendly(不過我覺得係生活防水)!

除了計步外,一般智能手帶有的功能佢都有(鬧鐘,睡眠紀錄等主要數據)。
憑外型都知主要用家會是女性,所以加插了關於月事排卵期的預測 及 計算壓力指數,
而壓力指數係憑經期,活動量,睡眠質素,有否冥想等去估計。
(Apps 有十幾個冥想的錄音,長度由十分鐘至一小時都有,就算唔買手帶都可以用)

BellaBeat 用內置電池(即係手錶那種圓型電池),所以至少半年不用叉電,用附上的螺絲批打開金屬片,就會見到放電池的位置。不過,其實一拉開透明的膠紙就已經快速同步。

我呢個係限量版玫瑰金色配灰黑色底座,反轉見到係MADE IN CHINA,即刻想講粗口!

一物至少四個帶法,如果每日都想轉配帶方法的朋友,就一定要先同手機同步,過程只需開著藍芽,拍打BellaBeat 兩下就可以,感應快速,兩分鐘內已可完成!

因為佢沒有任何的發光位 及 顯示屏,無論點睇都只會覺得係一件飾物,帶o係手完全唔覺,同自己的飾物沒有突兀感!每次同朋友講起係智能手帶,大家都覺得好神奇呢~~

原裝會附上同色系的18K金頸鏈,帶住都好靚。

最簡單就係夾o係衫或褲上面,唔會周圍 fing,做運動或者瑜伽倒吊都可以帶住。

都用左都快兩個星期,我都報告下我O既感覺,俾個參考大家~
睡眠監測為全自動夠敏感,睡前不用特別步驟,而每天睡醒就會收集到昨晚的數據。用佢做鬧鐘都係好震,足足會震十下,比我之前用的更震,一定震得醒!暫時都未有不滿~~~


壓力指數係憑經期,活動量,睡眠質素,有否冥想等去估計。

除左BellaBeat 之外,其實我都睇左幾款不同的智能飾物,其中一個叫 Ringly 的品牌都幾吸引,有大量而家大熱的雲石紋Pattern選擇,亦設有戒指款式!官網價錢大約120美金起,不過我自己就唔係好帶戒指,所以最後都係揀左 一物三用 的 BellaBeat!

呢篇係我o既自費文,我到而家都好滿意呢次敗家體驗!其實智能飾物款式仲有好多,講真要特別都係呢兩個,如果想睇搵多d的話,試下用 Smart Jewelry 會搵到大量款式!
希望大家都會找到心頭好呢!

BellaBeat 官網 : https://webshop.bellabeat.com/

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→