(。◕‿◕) 環郵世界 ♥ 香港郵意明信片航海主題咖啡廳 (◕‿◕。) 文字

專屬我的....於 18/05/2017 發表 收藏文章
朋友告訴我在灣仔有間cafe,非常有個性加位置隱蔽,好適合我自閉時去食個All Day Breakfast 寫下野。餐廳位處於安樂里(即是星巴巴入面的內街),如不是有易拉架及藍色旗幟,真係日日行過都會睇漏眼。雖然在內街,但夜晚佢都幾多客的,晚飯時段食滿$300仲有心太軟送添。

Cafe 以郵政為主題,甫到達,即見賣明信片的角落同埋精品的角落,價錢都算相宜。而天花掛滿了寄來的明信片,配上音樂,環境幾舒服,好似去左渡假咁。店內有兩隻可愛貓貓,都幾痴人,鐘意貓貓的朋友應該會好開心。
為左令大家投入放假的心情,餐廳係以自助形式下單,不設服務費。見到店員已經一返工就放假咁Relax,我都好想訓一覺呀!清水,紙巾,調味料都放左o係肉眼見到的位置,要就自己拎啦。

餐廳廚房在cashier 後面,沖咖啡同簡食都會在open kitchen完成。

藍調$48
呈藍色既飲品初時以為係蝶豆花朋友系,即係無味,但飲左一啖,發現有椰子香同埋少量酒味,原來加左愛爾蘭酒調成,椰奶味比較突出,比想像中好飲。

紅絲絨拿鐵 $48
呢杯就比想像中差d,奶泡的溫度明顯唔靚,所以拉花好快就無左,因為溫度唔靚仔,飲落有d 削口,入面有淡淡的朱古力味,非常一般。

素食早餐 $78
除左黑松露蛋卷係即煎之外,麻醬沙律係自己做之外,其他都係現成貨,味道質素亦不見得好高質,整體有點OverPriced。

食物味道我覺得只屬不過不失,勝在地方夠闊落,不過有個地方比人放空下都幾不錯。難得在商業化的香港都有明信片主題cafe,都值得支持的。

香港郵意明信片航海主題咖啡廳
灣仔安樂里地下D舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→