~ஐ 唐三樓。媽不在家。小文青聚腳點 ஐ~

早幾日，在自己 Facebook 貼了張小文青相，朋友間反應熱烈，想知這間小文青Cafe究竟在那！當我說是它在上海街唐三樓時，人人也不信。明明上海街就是老區，那會有靚Cafe呢！

其實，遇上它是緣份～早在年多前在Instagram已見過它的蛋糕，撞晒色的蝶豆藍芝士餅一見難忘。我不特別喜歡紫色，但我喜歡特別有創意的，所以說好了一定要來探訪！

＃媽不在家 油麻地上海街302號唐一樓(入口在則街熙龍里)
Kawai 一早已做了家課，知道Cafe在唐樓，要行樓梯，另外入口不在上海街，所以好快找到。
一來就是鐵皮信箱，小時候未搬到公屋前我是住唐樓的，好有親切感～～

雖然有親切感，但始終很多年沒有行樓梯上，燈光暗暗的，而且不知要轉幾個彎才到，感到心跳加快，好似探險咁～

轉了兩個圈，終於到了。點解可以佈置得咁靚？近窗台位置放了很多植物，好有秘密花園的感覺，店主係兩個大男孩，不用招呼客人時就會o係度畫畫，成個氛圍令人好relax 好放鬆！
大大個餐牌是他們自製的，Cafe只有數款自家製蛋糕及飲品供應，仲會介紹下有咩特別。想知每日供應的蛋糕款式，可留意他們的ig及facebook 公佈！（心如止水呢個名不得了）

理所當然地，揀左蝶豆花造的藍人秘密，由我第一眼在IG見到已經覺得係佢，無野阻到我！

藍人秘密一如想像，蝶豆花沒有特別的味道，但有明目的功效，因為佢含有豐富花青素。芝士蛋糕做得濕潤軟滑，口感如New York Cheese Cake，配搭青檸會變色之餘，仲有點清新感。
飲品我揀了伯爵成熟時，每天都會加不同的新鮮水果，當日配的是西柚。
店主仲會提醒你吉下d 水果，會更加好味。我覺得銀色盤好靚！喜歡的話仲可以買返屋企！

成間Cafe都好靚，我覺得近窗位置有天然光，就算攝影技巧多爛，都會影到靚相。

我是單拖去的，以下照片是請鄰桌的文青女生幫忙拍的！把我拍得很可愛～實在太感謝！

其實，這裡是工作室，所以除了Cafe，也有少量懷舊玩具，自家設計及衣服出售。
總括來說，就是一個令人很想去放空的地方吧！

媽不在家 Mum's Not Home
油麻地上海街302號唐一樓(入口在則街熙龍里)
注意： 2pm才開門，星期二休息，每日蛋糕供應要留意IG。

For Collaboration and Invitation,
Please send to : littlecatt@gmail.comFB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare