《如果你有女朋友,就不要來騷擾我。》

虐心者 於 27/04/2017 發表 收藏文章
一崩潰,成個世界就會跟住崩潰,
我在騙自己嗎?只要自己不去想,就真的會忘記嗎?原來傻的一直只是我。

一直也是......但我卻以為自己一直很清醒。

如果你不喜歡我,為何不拒絕我,還何還給希望我,你明明已有喜歡的人了,為何卻不早早和我說明白,就不斷給我假希望,我真的覺得自己好蠢,竟然鐘意左一個已經有女朋友既男人。

佢仲要好似已經知道左我鐘意佢, 仲要對我有所表示,而我真係俾佢呃到,以為佢就係我既真命天子。我真係以為我眼前呢個人係鐘意我既,只係佢同我都一直唔敢講出口,冇錯,我要去呃自己,只係因為時機唔啱,同彼此都太過被動,所以佢先一直先唔敢對我開口。
我天真到,真係咁認為,我每日返工見到佢都好開心,洗個世界就好似圍住佢轉。

我真係好鐘意佢,但當我終於清醒了,我先知道其實並唔係咁,佢基本就冇話鐘意我,佢其實只係覺得我可憐,我單身,冇人追,所以先欺騙我......感情。

恭喜你,你好成功地傷害了我。

我傻我天真唔緊要,係我既事,但係你明明係有女朋友點解可以扮到無咁,你點解要俾假希望我,點解仲要約我去食糖水,點解仲要同我傾偈,扮到好似好想了解我咁,你講啊!你明唔明咁樣會好傷一個人,如果你已經有女朋友就請拒絕我,無論我有幾鐘意你都好。唔好拖,你明明知道我已經鐘意左你,我的世界就只有你,我寧願你大大聲同我講你已經有鐘意既人。

點解你要避啊!你知唔知當我見到你同你女朋友張相果陣,我有幾唔開心,我好暈啊,點解你有女朋友又要扮到好似鐘意我咁,點解你要傷害我,果種感覺就好似突然之間支撐住自己既動力,突然之間冇左。

我係咁喊,係咁喊,眼淚伴隨住欺騙同愛意,漸漸變成恨,望住你身邊既果果女仔,我自問比唔上,你地經歷既野都比我多,而我竟然傻到以為你係冇女朋友,傻到鐘意左你,破壞別人的愛情,這件事我做不來。

點解我每逢鐘意既人,都係有女朋友,
而每次我就好似破壞人地幸福咁,我真係好憎做人第三者,同時我都唔會想做破壞人幸福個個。因為我知道對方知道左你暪住佢去識女仔,佢會有幾咁心痛,果種痛擊,就像突然失去支撐。

同時我都好憎明明有女朋友,但係又去識其他女仔既男仔,我覺得佢地好賤格好下流,你咁樣傷害人地,你良心過意得去嗎?
明明拍緊拖又話自己冇拍拖,女方受既傷害你又知唔知幾痛。

係我一頭裁落去,係我太過天真?

竟然唔知你既暗示,唔係!你連同我暗示你有女朋友都冇,繼續接受我既好意,然後裝作什麼都不知道,是我太敏感了嗎?還是你一直只當我是朋友?

你知唔知道我全個世界都係你影子,每一日腦袋裡面全部都是你,睡覺前,訓醒後,而你選擇了隱瞞一切。

最後當我看到你和女朋友的合照,
我心真的好痛。我想,我該放棄了,放棄我不切實際的希望,雖然很痛......
但我想我會讓時間把你淹沒的。

我要你趕快消失在我的世界......

________________________________________________________

facebook page: 虐心者

標籤: 虐心者  愛情  關係  

留言


請按此登錄後留言。未成為會員? 立即註冊
    快捷鍵:←
    快捷鍵:→