《點樣可以拒絕一個暗戀左你好耐既人?》

虐心者於 02/01/2018 發表 收藏文章

個故事係咁既,有個男仔由中學暗戀左個女仔足足有四年,個男仔由中學已經同佢表白,寫情信俾佢,但係個女仔唔鐘意佢,根本對佢冇feel。

個女仔一直冇拒絕過佢,女仔既朋友係咁想撮合佢地,但係女仔根本唔鐘意佢,佢只可以逃避佢,安安靜靜渡過中六。

畢左業之後,個男仔依然洗日每逢過年過節都傳wts俾個女仔,每年都係,無論個女仔po咩動態帖文都好,男仔都好緊張佢,個女仔好唔鐘意,封埋個男仔Facebook,因為真係覺得佢好煩。

呢段感情,亦都無疾而終。

隔左兩年,女仔讀書要考試,面對艱深既數學科,佢唔知點算好,望住wts,佢唔知問邊個好,最後,佢點左對話欄,問男仔,請教佢數學,因為真係冇人可以幫到佢解數學題,加上男仔既數學好好,於是,佢地一齊約去m記溫書,女仔慢慢覺得唔對路,佢覺得男仔仲對佢有意思,佢好後悔,自己唔應該俾假希望俾人,但係佢明明只係關心自己既數學成績,根本就唔係對個男仔有意思,個男仔根本就唔係佢鐘意既類型。

佢內心好掙扎,男仔表面上話佢哋只係朋友,但係佢知道,個男仔仲係鐘意佢,但係女仔一D都唔鐘意佢,佢唔知點拒絕人,唔知點樣可以令到呢個暗戀佢咁耐既人死心,佢覺得自己毀左人地既幸福,男仔似乎已經察覺到女仔有唔妥,但係男仔仲係度呃梗自己,話佢哋只係朋友,應該點算好......

A:人間蒸發(咁樣會唔會好衰)
B:拒絕(但前題係佢話係朋友關係)

今次由虐心者出題俾大家,大家可以係下低留言俾我,講出你地既諗法。

———————
Facebook page :虐心者
標籤: 虐心者  愛情  關係  暗戀  感情問題  
《FanPiece 小劇場》 - 辦公室政治犯ep01

留言

會員
我要評論
請按此登錄後留言。未成為會員? 立即註冊
  • Ivan Ng
    Ivan Ng 於 03/01/2018 評論 NO. 1

    Kissy Siu Sing Tony Pao Brian Leung

  • Ken Leung
    Ken Leung 於 03/01/2018 評論 NO. 2

    即刻搵個男朋友

快捷鍵:←
快捷鍵:→