為愛情而屈就,為愛情放棄做自己 文字

虐心者於 22/03/2017 發表 收藏文章

某日,我和友人閒聊,她和我聊到現今有關香港普遍的愛情觀。

「你覺唔覺得,依家D人拍拖拍到好屈就自己。」她不滿的和我繼續說道。

「我有個朋友,佢因為拍拖,又整容,然後變得成個人都唔同晒,總之就專登屈就自己去襯個男朋友。」

我坐在甜品店裡,一邊低頭吃東西,一邊點頭示道。但我卻覺得愛一個人就是盲目,所以覺得有時彼此只是渴望能在對方心中留下好印象,沒什麼不妥。於是反駁了她。
「咁初初開始拍拖,大家都想俾對方好印象,而唔表露出真性情,咁又唔怪得佢,不過為對方而整容就太誇張la。」

我知道友人因為拍過幾次拖,所以她說起話來特別激動。她拍了一下枱子激動的說道。
「拍拖果陣唔做自己,到左結左婚,相處落,各方都表現出真性情,又會因為接受唔到而離婚。」

「如果可以從拍拖開始,就做自己,唔為左因為想迎合對方,而扮到好唔似自己,我諗唔會搞到自己咁辛苦lo......」她粗魯的說。

我看著她爽朗的啷啷說道自己心中的想法,十分羡慕她直率的性格。

「點解你會有呢種睇法?」我問道。

「因為我曾經逼自己去屈就我自己,我男友鐘意我穿耳洞,我就穿耳洞,佢話我太肥,我就專登去減肥,佢唔鐘意女仔粗枝大葉,鐘意女仔斯斯文文,我就專登改晒自己一向男人婆既性格。」

「你講梗既係你之前果果分左手既前度?」

「係啊,然後我發現......我真係好辛苦,你知既,我明明就係一個好爽朗同粗魯既女仔,為左佢,我放棄做自己,改做佢心目中所謂既心儀對象。」

「我直情已經唔認得自己,你明唔明啊!」

佢果種心同感受,可能我真係唔明,於是我唯有靜下來聽她說話。

「從前......我以為愛一個人,係要拚命咁去迎合對方,原來唔係咁既。愛一個人係要做自己,先唔好理佢接唔接受到那個最真既自己,但係首先,你要有勇敢接受他會厭棄那個最真的你。」

「但是相反,或許,他反而會更愛那個做回自己的你。」

友人一邊說話,一邊把桌子上的沙冰一大口一大口掃落口中,我看著她一口氣便吃掉整個沙冰,然後舒服地拍拍肚子,真的很佩服她的豪氣。哈哈,不過她現在的男朋友卻很喜歡她那種爽朗的性格。
標籤: 虐心者  愛情  關係  感情  生活  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→