《寧教人拍拖,莫教人去理性分析愛情》 文字

虐心者於 08/01/2018 發表 收藏文章

我見到網上面有好多教人拍拖既野,多到離晒譜,「讓不愛你的男生愛上你的五種方法。」唔鐘意既男仔唔鐘意你就係唔鐘意你,點改?整容,自己檢討自己,搵過另一個目標喇!
「第一次約會,如何讓對方加分。」
點樣令對方加分?冇!情人眼裡自會出西施,
「一秒讓異性愛上你的方法。」
一秒愛上你,你變魔法咩,討好別人去鐘意你,拍起拖黎都會辛苦喇。
「有效延續戀情保鮮期的療方。」冇時限,感情變淡有好多因素,好多療法都已經冇效用,點樣都始終要「放手,放開所有,彼此更自由。」

其實,我認為拍拖一啲都唔理性,點解?因為由鐘意左一個人開始,你就已經係感情用事,除非你根本唔係真心鐘意佢,為左利用佢,貪佢有錢所以先同佢拍拖,如果唔係,愛情絕對係感性居住,既然拍拖係感性既事,你研究愛情既秘方,睇網上媒體有關愛情的文章,例如「有效延續戀情保鮮期的療方。」這些誇張又失實既文章,內容不外乎會講好多花生野,令你覺得好有用之如,你又會試下啱唔啱用,問題出現左,就係明明一條唔洗用腦諗既問題,你用左腦去諗。

拍拖明明好簡單,你又諗到好複雜,「佢話男仔唔聽電話一定係出便有小三,咁我男朋友冇聽過我電話,係咪佢出軌?」所有野都係網上講既,套返落你身上,又唔同情況,佢寫呢啲誇張資訊出黎,其實只係想多啲人睇,炒花生咁,你驗唔驗證吓又係另外一回事。

拍拖從來都冇理性過,如果有,你就唔會諗都唔唸就錫左佢一啖,拖佢手仔,如果理性戀愛會係講係頭腦清醒之下,運用你既思維運轉,你就會計算應唔應該同佢食飯,你有咩好處,佢有咩好處,你成功追到佢既機率係幾多。因此愛係感情太深,而唔係計得太深,愛絕非理性,愛係泥足深陷,不能自拔,朝思暮想,感情猶如娟娟河流般幼滑,真誠,真意去愛一個人。

如果你真係好愛好愛一個人,就唔建議睇網絡上既罐頭文章,這只會令你更混淆,除左破壞你段感情之外,其實坊間既呢啲未經證實過愛情祕方,睇多無益,愛一個人唔係話睇更多既資訊就會懂,而係實實在在咁鐘意一個人,關心佢,愛護佢,亦有所謂的戀愛經驗可作體驗。

其實你睇唔睇網絡上既愛情花生文,我無意替你作主。成效對好多人都唔同。因為最近網絡上實在出現好多奇怪既愛情祕方,令我覺得除了題目離譜,内容更失實,係呢度希望可以同大家做個小分享,留返個思考空間俾大家。
標籤: 虐心者  愛情  關係  生活  拍拖  

留言

會員
我要評論
請按此登錄後留言。未成為會員? 立即註冊
  • 陳先生
    陳先生 於 08/01/2018 評論 NO. 1

    Esther Kam

  • 方景
    方景 於 09/01/2018 評論 NO. 2

    米露迪🧐🧐

  • Bella Pang
    Bella Pang 於 09/01/2018 評論 NO. 3

    🤷🏻‍♀️ Wan TszWai 好想tag埋呀欣

  • Lai Chung Kwan Justin
    Lai Chung Kwan Justin 於 09/01/2018 評論 NO. 4

    Wan Hin Cheng Leung Winston ....

快捷鍵:←
快捷鍵:→