《做女人,千祈唔好認自己係最靚》

虐心者於 20/01/2018 發表 收藏文章

女人太自信絕對唔係一件好事,雖然有自信係其中一條增強吸引力既法則,但係過份自信,對於希望增加異性緣既女性黎講,只會適得其反。

話說我公司有個女同事,佢既過份自信係已經去到爆燈位,係公司,佢好唔鐘意有人靚過佢,係街上面就唔知呢!有一次,佢見到我著件衫靚過佢,就開始成日睥住我,又有一次,有人叫我做阿姐,佢就係度偷笑,一有人贊佢靚女,佢就鬼死咁開心,仲係咁大聲講有人贊佢靚女,佢成日都好唔抵得有人靚過佢,我對住佢,唯有每次返工都唔好打扮咁靚,總之唔好搶走佢既光芒,如果唔係之後返工有排你受。

女人係一種妒忌心好重既生物,因為每個女人都認為自己係最靚既,所以當有人靚過佢果陣,佢自然會唔抵得,於是,呢場將會係一場孔雀裳秀比賽。

但係外表係咪真係咁重要咩?無論重唔重要都好,都有一個平衡同內在美,兩者既比例唔可以偏向某一邊,幾時都話,做女人要內外兼備先得,如果某一邊不太好時,可以靠另一邊既分數黎補返,所以有時話個樣靚都唔係話大晒架!

我公司果位女同事,就係一個好好既例子,超級自信到想嘔既地步,我連見到佢,都覺得佢好造作,有反胃既感覺,其實簡簡單單都可以好靚,我果位女同事,就一直希望做最靚果果,其實我本人覺得咁樣反而有反效果,仲有少少發姣,靚係唔洗講出口,就算你幾有自信都好,都唔忘記外表重要之餘,內在美都係一種好吸引異性既條件。

----------
睇完記得讚好我既Facebook page :虐心者
留意我更多既文章
標籤: 虐心者  靚女  女人  外表協會  
《繼續吹》某日某月 - 湯怡同大地雞同鴨講!?

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→