| b a b y | 怎麼捨得放下你 – Jenson兩歲十個月成長記錄

duckie-siuchi 於 06/04/2018 發表 收藏文章
因為你的因為所以,世界變得很可愛;有時你會衝埋黎話想撞落我個肚,但明明很溫柔,我就知道你是一個心地不會太壞的人,但願一直下去,做人唔好怕蝕底,知足常樂,少點計較不在乎得失,人生一定更加精彩。(感謝友人攝於大埔火車博物館。)


週末仲去到就繼續出動,但真的不宜遠行而且一定要有爸爸同行。上個月就去南昌公園放下電同睇花,我就全程坐係野餐墊同影下相咁,爸爸負責去公園陪玩同踢下球咁啦~玩過呢次後,佢就愛上南昌公園了,果然有些事是要爸爸先攪得掂!例如開始愛上騎膊馬之類啦….我咁矮~騎我就無意思啦XDDD


港鐵迷表示好開心可以跟埋朋友去港鐵安全體驗天地(青衣城)grand opening~好難得返學pm仲join到event架,仲要係屋企附近喎,一定去啦~結果回程就攰到係bb車訓左了。返學後基本上一定要nap呀,可能學校要擔泥所以咁攰~黎緊k1轉校但都係返下午班,錯過event不要緊,媽媽舒服少少又唔駛咁趕,而且jen仔除了newborn同生病時,其實都至少10點後先起身,pm schedule 計落仲佢多啲。


之前錯過左學校的旅行覺得好可惜!但總算join到第二個大型活動 – sports day,今年佢學校的運動會在牛池灣運動場(聯校)舉行,有七個大型吹氣活動,媽媽負責影相,爸爸就陪玩啦~每個小朋友仲有個金牌仔拎返屋企添,太開心了,而家啲小朋友真係好幸福呀。

媽媽不宜遠行又好like玩水玩沙的jen~估唔到去鄰居屋企露台玩水幾正喎,玩左成粒鐘仲未捨得返屋企。雖然返學後好少見了,但還是好朋友*v*不過佢的新歡係呢個鄰居朋友仔的弟弟~~


記錄一下2歲10個月的狀況:

  • 身高90-91cm / 唔知夠30lbs未
  • 因為有返新班主任所以明顯返學好開心,陳老師。有時問佢返學做乜:「玩車,食包包,跟住排洗就準備放學架喇」
  • 黎緊學校有春日遊老師帶佢地去佐敦谷,仲有得係學校食high tea
  • vv時佢話學校嬸嬸話(玲姐)「勃起陰莖」就可以痾架喇
  • 戒片中(日期片vv已經90%ok,會自己講跟住入廁所)poopoo要著返片,拒抗坐上potty。
  • 工人返菲期間返大埔留宿婆婆狂隊野食,食得痾得訓仲長肉左添
  • poopoo情況有改善(蔬菜汁/西梅汁/鮮搾橙汁每日至少一杯)兩日一次,但在我們大大力讚下就算硬屎都肯痾,要幫手按實個肚
  • 佢話妹妹隻bear叫bears,jen話叫妹妹做yaya / clarabel (未命名)佢成日話想要妹妹隻公仔(粉紅色的~好朋友送)
  • 英文開始流暢,能幾句詳盡句字全英對答,間中會有chinglish:我想turn on呢個torch嘛/我會take the yellow one/你都take
  • 英文發音係幾好,make~it / take~it 可以連貫性咁讀;但有時仍會玩野如high speed train會專登講high-是-咇;bus專登講筆-屎…..
  • 陪讀仍是樂趣,最近中意睇較長的故事。oxford tree部份有興趣topic可以睇到stage5,有興趣用點讀筆聽+陪讀
  • 仍然話想做fireman
  • 突然又玩返puzzle,快左同make sense左
  • 出街會成日叫爸爸抱:爸B , carry me please
  • 係屋企開遮,我話無落雨喎你開黎做乜,佢:「我覺得地下濕嘛,所以我開遮囉。」
  • 明顯驚血~踢損少少腳趾甲慘血自己嚇自己係咁眼流眼淚
  • 成日話想去迪士尼同機場
  • 依然早晚一支奶,飲緊第一罐雅培3號唔抗拒(wah 平過Illuma好多)
  • 有時會有幾刻情緒崩潰,有時會突然尖叫幾聲,有時會話:「我想打呀/我想打你!」然後會裝模作樣地細細力打落去公仔或者我隻手度。我問點解要發脾氣,佢通常都好多借口;我話你咁做媽媽會唔開心,佢話:「我唔想你唔開心呀」然後會話下次唔會。

少做錯事少認錯,沒怎trouble 2 未有 trouble 3。有時候當我叫佢講對唔住時,佢好像有點難以啟齒。但最後還是肯承認自己過錯,然後說「對唔住媽媽,我唔應該XXX,XXX係唔岩的。」我並不希望你做錯時只會口快快說對唔住,而且發自內心知道自己錯乜,點解錯。

1,528 total views, 170 views today

留言


請按此登錄後留言。未成為會員? 立即註冊
    快捷鍵:←
    快捷鍵:→