非KOL,純用家分享美容護膚系列:美肌の誌控豆修護面膜 文字

Charis Hung於 03/05/2017 發表 收藏文章


有一日我行入萬寧諗住買mask,咁就見到美肌の誌。
就諗起廣告嗰啲講唔正廣東話嘅韓星推介。
心諗實無死錯,敷個mask應該唔係好複雜。
咁其實佢有7隻顏色,最後我就揀左呢隻青綠色。
點解芸芸眾生揀中佢呢?
因為佢寫住適合容易長荳荳的皮膚。
其實我自從青春期之後,都無乜爆蒼,但都揀佢係因為男朋友。
有時我地兩個太得閒無野做係會一齊敷mask relax下。
咁佢就有一時時會長荳荳,咁我就諗住就佢嘅。
因為隻mask寫住適合容易長荳荳的皮膚前面仲有一句所有膚質。

其實諗返都唔係太明句野想點。
究竟「適用膚質:所有膚質,容易長荳荳的皮膚。」
即係點?
究竟係所有都得,定係特指容易長荳荳的皮膚?
Anyway,我敷mask但求保濕,因為夠保濕就唔會出油。
隻mask都聲稱可以保濕架!

於是我就買左盒,俾錢嘅時候店員話呢個係精選貨品,買多盒有唔知幾多折,
於是我師奶仔上身,咁就買左兩盒。

然後返到屋企我就敷,敷嘅時候塊面覺得有少少刺痛(我從未試過),但我一於少理,如是者十零分鐘後我拎走塊面膜,搽埋Cream就瞓覺。照鏡嘅時候額頭有啲紅,但我自我感覺非常良好,因為我有敷mask有做野善待自己塊面。

然後隔幾日我又再敷,一樣刺痛,一樣敷完有額頭有啲紅仲有少少起粒,我開始諗塊mask會唔會唔係太啱我......但我買左成兩盒喎......
不過我都照敷住先,心諗可能自己多疑,而且過一陣其實塊面都無事。

然後我再敷多一次,直至第二日我同事好驚訝咁問我,你塊面做咩,我問返佢我額頭做咩。佢話我好似敏感,我先願意面對現實,塊mask真係唔太啱我😂

今次嘅教訓係其實啲mask如果分哂類,應該唔係會適合所有膚質。
第二係試新野千奇唔好買多,如果唔係一失足成千古恨。
標籤: 美肌の誌  面膜  護膚  
下一則︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→