甜蜜篇【旅行】

歸洛。兩性專欄 於 01/11/2016 發表 收藏文章
寫左咁篇失戀既慘情野,希望大家唔好怕左拍拖:)
其實拍拖係一件好甜蜜既事,因為你搵到一個陌生人去愛你,而你亦都愛上一個陌生人。

對比起父母無條件既愛,愛情係需要要慢慢建立,慢慢經營。所以點解到分手時既感覺黎得咁傷,因為你既付出得唔到同等收穫。

兩個人初初拍拖我諗第一件大事應該就係【旅行】。

旅行最重要既元素,就緊係錢同時間,同埋就係有共同想去既地方。(好多情侶係呢一步已經嗌哂交)

決定左地點之後,就要開始請假同儲錢。其實甜蜜就在於兩個人一齊向住同一個目標而努力。

行書局買旅遊書,再買齊零食係屋企PLAN行程,小編通常都會同女朋友分工合作。例如通常會PLAN一D大範圍既地方,好似會提議呢一日去淡水,然後女友就會決定去淡水邊一到買野食,影風景。(呢招幾好用,比女友感覺到自己有參與之餘又唔會太大男人)

轉眼間聽日就係出發既日子啦!

記得第一次同女友去旅行既地方係咁岩撞到FANFARE既特價,台灣既價錢,歐洲既機票,諗都唔諗就買左喇!之後先識後悔,不過諗起同自己鍾意既人係鐵塔下面漫步,死就死啦!

去到當地,因為語言不通,亦都格外留神,因為你唔止要保護自己仲要保護隔離果位。呢一刻充滿相依為命既感覺。

凱旋門下既小偷好多,大多數都係吉卜賽人。佢地會借意叫你簽名然後偷你財物,由其係對亞洲人下手。所以我地都打扮到流浪漢咁,真係無人埋身,但之後睇留D相就笑果震有幾白痴,哈哈。
巴黎鐵塔下面,我假扮求婚,身邊既人都為我地起哄,你帶上我準備既空氣戒指。
係羅浮宮搵到蒙娜麗莎既畫,我地O咀望住對方。驚訝唔係因為幅畫靚,係因為幅畫細!

每晚返到民宿都一齊煮晚餐,準備第二日既行程,睇返當日既相。
想話比大家聽拍拖去旅行就好似同居既試玩版,嘗試每日對住另一半。相見好,同住難。
通常就會係第一次旅行體驗得到,因為點樣扮,去到第二,三日都會原型畢露。

其實拍拖旅行帶比大家最保貴既唔係當地手信,限量版波鞋,而係當返到香港每日忙碌過後,玲起手機再睇返旅行時既相,保貴既係只有你同佢一齊擁有既【回憶】。

修煉愛情的悲歡 我們這些努力不簡單【修煉愛情】
在地球另一邊的你,好嗎。

FB Page: www.facebook.com/backtonormal17
標籤: 拍拖  旅行  愛情  修煉  巴黎  

留言


請按此登錄後留言。未成為會員? 立即註冊
    快捷鍵:←
    快捷鍵:→