拍拖最忌身邊有【三姑六婆】

點解係三姑六婆而唔係豬朋狗友？
因為男人明白寧教人打仔，莫教人分妻呢個道理。你唔會見到男友班ＦＤ因為你無時間陪佢而叫佢分手，亦都唔會因為你懶而叫佢分手。如果你係性格好既阿嫂，當你男友做錯事既時間，班【豬朋狗友】仲會企你呢邊幫你鬧醒你男友添！但【三姑六婆】就唔同喇，經常都會有意無意叫你分手，由其係單身果Ｄ。點解？人有，自己無，一拍兩散啦！通常佢地叫你分手既理由，如果你男友性格好，遷就得你，就會話佢無主見，無事業心。
如果你男友事業心重，就話佢淨係掛住做野，無抽時間黎陪你。呢個時間又會叫你搵一個愛錫自己既男人。
當你搵到一個愛錫自己既富二代，仲！大！鑊！首先將你踩到一文不值要靠男人，繼而叫你做個女強人，話呢個世界已經係女人主導，唔好再活係男人之下。
嫁得好同嫁得唔好既【三姑六婆】又有唔同既玩法，嫁得好既，就會令你男友同佢老公比較，等你覺得男友無出息，話埋你無眼光。
嫁得唔好既，就同你以結婚為前提，你男友同佢老公條件都差唔多【差】！你無幸福嫁喇！！
結論係：遠離【三姑】同埋【六婆】，比ｄ信心自己同埋伴侶，如果自己係容易受人影響更加要小心喇！

FB PAGE: https://www.facebook.com/backtonormal17/