每段情侶 都會有一段屬於佢哋嘅故事… 文字

90sCouple於 31/01/2018 發表 收藏文章
「BB,今日係我地一週年紀念日呀!」女朋友好興奮咁同我講。
一年時間,說長不長,說短不短。

一年之間,足夠令你睇清楚你身邊伴侶。
包括性格、脾氣、甚至佢心入面諗嘅一言一語。

好多人會覺得,時間愈耐,感情愈淡;
但我同女朋友都仲未有呢種感覺。

「如果當初我冇同你表白,你佔我地而家會點呢?」我成日都好鍾意咁問佢。
「我估自己一直都唔會有勇氣提出話要同你一齊……」女朋友答案始終如一。
每次聽完呢句,都覺得自己好彩過中六合彩!
好彩當初自己有勇氣去表白,
更加好彩係女朋友接受咗。

每次問完上面條問題,
大家都好自然咁講返一齊之前嘅事,
由討論起初認識、了解、到交往的日子。

「哈,仲記得以前上堂都冇乜留意你!」當時對女朋友絕對冇一見鐘情嘅感覺。
「嘿嘿,果時我都係呀!果時都係全靠某人,我地先識到咋~」女朋友暗笑。
「之前都唔知點解大家又想睇同一套戲…又會咁啱搵到你同我睇架…」
「我又會應承咗…以前仲要冇點試過單獨同男仔出街啊…」
「我地又會可以係電話由朝傾到晚喎,哈哈」我笑住回答。
---------------------下省對話數百字--------------------


每次講到呢個話題,大家都會好似返翻去啱啱一齊時咁。
不過,我有樣嘢一直瞞住咗女朋友…
其實我係知道當時女朋友想睇果套戲,先話一直都好想睇咋!
哈哈,你估呢個世界,邊有咁多巧合!

唔知大家同男/女朋友嘅故事,又係點架呢?
不妨可以係下面cm分享啦


"90sCouple"將會繼續為大家分享不同故事,
希望大家多多支持~


標籤: 愛情  關係  拍拖  情侶  熱戀  
【球迷世界 X Futbol Trend 睇波之夜 — 曼車大戰】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→